[ФОТО] Славната актерка проговори за блискиот однос со младата колешка: „Кога ја запознав првиот ден, едноставно се вљубив во неа“

Актерката се појавила на црвениот тепих во Лондон во бел фустан којшто ја следел линијата на нејзиното тело, со црни хулахопки и црни чевли, а со Ема имале повеќе нежни интеракции, се држеле за раце и се прегрнувале пред фотографите.

Џејми Ли за „HELLO!“ открила дека нивното пријателство влијаело на нејзиниот лик во филмот:

„Ема е прекрасна личност и кога ја запознав првиот ден кај Џимс едноставно се вљубив во неа. Мојата работа во филмот е да бидам нејзин најголем заштитник, а за некого да заштитите мора да го сакате, а јас веднаш ја засакав“.

Ема возвратила на комплиментите:

„Веднаш „кликнавме“. Џејми е прекрасна, топла и великодушна личност и сите покрај неа се чувствуваат пријатно. Пријатно е да бидете покрај неа, а нејзината љубов кон работата дава чувство на поддршка кога е потребна“.

Актерката додала и дека Џек Лоуден којшто го толкува автентичниот лик во филмот, во реалноста е целосно поразличен:

„Тој е згоден и драг иако толкува лик којшто е вистинска гнида“, се пошегувала Џејми Ли.

Во филмот Џејми Ли ја толкува тетка Хелен, поддржувајќи и давајќи ѝ заштитничка фигура која ѝ помага на Ема да се соочи со семејните проблеми.

Ема Меки во Лондон заблескала во сако-фустан со златно асиметрично здолниште. Изгледала многу среќно и самоуверено додека позирала пред фотографите.

Џејми Ли Кертис е позната по тоа што ги чува помладите колешки, вклучувајќи ја и Линдзи Лохан со која глумела заедно во филм.

„Линдзи имаше 15 години кога го снимавме првиот филм и останавме во контакт во текот на целиот живот. Важно е, особено во случај на младите актери, да им покажете дека врската е реална“, изјавила актерката додавајќи дека се поврзале низ искуството на мајчинството.

Џејми Ли е мајка на Ани (38) и Руби (29), додека пак Линдзи Лохан во јули 2023 година го родила синот Луаи.