Многу научници веруваат дека тајната на долговечноста лежи во правилната исхрана и пиењето топла вода, која има посебно значење за секоја личност.

А што претставува јапонскиот третман со топла вода и зошто е тој толку добар?

Родното место на сите живи суштества е водата — таа дава живот. Водата има најпрекрасни и најлековити својства. Третманот со топла вода се користи во Јапонија веќе илјадници години.

Сају третман

„Сају“ — на јапонски значи „врела вода“. Во врела состојба, од неа се ослободуваат честички на хлор и други штетни нечистотии што се наоѓаат во водата. Провриената вода што се оладила на 50–60 степени Целзиусови се нарекува „јузамаши“ и се пие за подобрување на состојбата на организмот.

Кој е ефектот од топлата вода?

Пиењето топла вода има ефект на загревање, при што сите метаболички процеси во човечкото тело се подобруваат, а природната одбрана на организмот се зајакнува. Јапонските научници тврдат дека топлата вода го поттикнува ефикасното функционирање на органите и системите.

Пиењето сајуа го поттикнува детокс-ефектот – забрзано отстранување на токсините и отпадните производи од организмот, помага при справување со запек и развивање отпорност на стрес.

Истовремено, кожата се прочистува, станува посветла и посјајна. Овој метод овозможува да се ослободите од вишокот килограми, бидејќи помага во безболно согорување на вишокот калории и зголемување на перисталтиката на цревата.

Според поддржувачите на овој метод, овој ритуал помага во „чистење“ на дигестивниот систем и може да помогне во лекувањето на низа здравствени проблеми, од запек и висок крвен притисок до дијабетес тип 2, па дури и рак, пишува „Хелтлајн“.

Експертите предупредуваат дека многу тврдења за овие ефекти се претерани и дека нема научни докази дека водата може да излечи сериозни болести како што се дијабетес или рак. Сепак, зголемениот внес на вода носи голем број здравствени придобивки, од подобра хидратација и регулирање на крвниот притисок до потенцијално намалување на внесот на калории.

Терапијата вклучува и строги правила за јадење: оброците траат максимум 15 минути, по што ништо не се јаде или пие два часа.

Застапниците тврдат дека времетраењето на терапијата варира во зависност од здравствениот проблем: 10 дена за запек, 30 дена за висок крвен притисок и дијабетес и дури 180 дена за рак.

Кога треба да се пие сају?

Се препорачува да се пие топла вода веднаш по ноќниот сон или навечер пред спиење.

• Во утринските часови, сају ви помага побрзо да се разбудите, да почувствувате бран енергија и да се подготвите за активен работен ден.

• Пред спиење, топлата вода помага во побрзо согорување на вишокот калории и обезбедува долг и квалитетен одмор.

Според советите на Јапонците, не треба да се пие премногу вода. Доволно е да се испијат до 800 ml или четири чаши дневно. Детокс-ефектот кај некои луѓе предизвикува чувство на голем замор. Водата не треба да се пие пребрзо — подобро е да се зема во мали голтки, за сите органи и системи постепено да се загреат.

Иако јапонскиот метод не е чудотворен лек, експертите нагласуваат дека зголемениот внес на вода, особено наутро, може да помогне во целокупното здравје, да ја поддржи функцијата на мозокот, енергијата и варењето, како и да спречи главоболки и камења во бубрезите.