[ФОТО] Вчера, Кејт Бланшет го воодушеви Лондон со корсетор „Венера од хаосот“: Изгледа како морска сирена во авангардната креација која заслужува 5 модни Оскари

Дали се сеќавате кога последен пат направи некаков моден пропуст? Ние исто така не. Не се случило. Кејт Бланшет е непогрешлива во секој поглед и не постои комбинација на облека во која едноставно не зрачи со елеганција, харизма, самодоверба и добар вкус. А кога некој поседува таков изглед и аура, логично е да се претпостави дека има и храброст да ризикува и да експериментира со различни трендови.

Сепак, креацијата со која вчера ги воодушеви сите присутни на традиционалната летна забава на галеријата „Серпентини“ во Лондон, во раскошните Кенсингтонски градини, претставуваше неколку чекори напред. Составена е од два дела.

Корсетот носи потпис на Диларе Финдикоглу, турска креаторка која живее и работи во Лондон. Нејзините смели готски идеи и футуристички погледи на модата во последните години го воодушевуваат светот, а славната актерка се одлучи за парче од колекцијата „Венера од хаосот“.

Венера или сирена од некој научнофантастичен филм? На ваков маштовит топ би позавиделе дури и дизајнерите што креираат костими за Џејмс Камерон, коментираа некои.

Кејт носеше вистински аквариум – школки од разни видови и форми, наредени една до друга во совршени редови, кои формираа прерамки и „јака“, ги украсуваа деколтето и половината, а она што го видовме беше, со една реченица, спектакл.

Корсетот можеби е малку ексцентричен, но е исклучително ефектен. Токму така како што сме навикнати од Кејт Бланшет. Долниот дел, здолништето со „завршница“ во сиренски стил, но само малку под коленото, го следеше морнарскиот мотив. Моќниот стајлинг го комплетираа чевлите во иста нијанса.

Австралиската „оскаровка“ беше една од водителките, заедно со Ребел Вилсон, Лили Ален и Кели Озборн, а на забавата, како и во претходните години, се собираа средства за познатата галерија.