Српската туристичка инфлуенсерка Кристина Павловиќ ја посетила Росиња, најголемата фавела во Бразил. Таму живеат околу 200.000 луѓе. И покрај тоа што фавелите се познати по криминалот, во Росиња се развива туризмот.
„Детално ви раскажував за тоа дека во фавелата видов дилери вооружени до заби како продаваат недозволени супстанции како да се на пазар. Зошто сега сакам да ви раскажам колку е всушност безбедно за туристите да ја посетат фавелата? За почеток, сакам да нагласам дека и е и не е безбедно и дека зависи од фавелата, но и да не им верувате на недоволно едуцираните и неинформираните луѓе кои ве уверуваат дека посетата на фавела е апсолутно безбедна и дека таму ве чекаат рози, туку добро да се распрашате“, рекла Кристина на почетокот на нејзиното видео.
Таа истакнала дека постојат туристи кои имале одлично искуство како нејзе, но дека тоа не значи дека таму постои апсолутна безбедност бидејќи познава девојка која пред неколку години се нашла во фавела кога избил вооружен конфликт меѓу полицијата и бандата. Но за среќа, на крајот сè било во ред.
Таа додала дека сите Бразилци што ги запознале им рекле да не одат таму.
„Да бидам искрена, да не ја гледав приказната на Марко и Роберт за оваа фавела и да не се распрашав подетално, веројатно немаше да отидам. Разликата во фавелите е пред сè во тоа дали во нив има организиран или неорганизиран криминал. Доколку е организиран, тие важат за туристички. Ова значи дека тие се прилично безбедни. Доколку не е, значи дека не се. Во фавелата Росиња туризмот се развива долги години и во неа владее организиран криминал и има хиерархиска структура. Токму поради оваа хиерархија никој не смее да ги допира туристите. Затоа, грабежите, каков било напад или нешто слично не е дозволено во рамки на фавелата бидејќи тоа лице ќе се соочи со сериозни последици“, објаснила инфлуенсерката.
Таа исто така истакнала дека во оваа фавела со водичот се чувствува побезбедно отколку на многу други места во Рио.
„Овде никој нема намерно да ви наштети при посета со локален водич и почитување одредени правила, но сакам да знаете дека единствената реална опасност е конфликтот помеѓу бандите или бандите и полицијата, а потоа, за жал, нема гаранција за безбедност за никого. Овие судири станаа ретки по 2017 година, но последната полициска акција и напад на банда од оваа фавела се случил на 17 декември минатата година. Повторно ќе кажам, ова е големо животно искуство, но ве замолувам убаво да се распрашате пред да ја посетите оваа фавела, но и која било друга“, предупредила Кристина и додала дека наскоро ќе објави повеќе видеа поврзани со фавелата.
