1. Тој го почитува вашето мислење

Во свет во кој сите сакаат да бидат сослушани, важно е да имате партнер кој не само што ве слуша, туку и го почитува вашето мислења.

„Меѓутоа, ова не значи дека тие секогаш мора да се согласуваат со вас – несогласувањата се природен дел од секоја врска. Но, клучно е тие искрено да ве почитуваат и да ги земаат предвид вашите ставови при донесувањето одлуки. Ако вашиот партнер сака да го слушне вашето мислење и го почитува, тоа е „јасен знак за заемно почитување и рамноправно партнерство – основата на успешниот брак“, објасни Феј за „Hack Spirit“.

2. Не се плаши да покаже ранливост

Квалитетниот сопруг не ги крие своите несигурности, стравови или соништа, туку е подготвен отворено да ги сподели со вас.

„Ранливоста е клучна за подлабока поврзаност, а според истражувачот Брене Браун, таа е „изворот на љубовта, припадноста, храброста и автентичноста“. Кога партнерот може да биде искрен во изразувањето на своите емоции, тоа не покажува слабост, туку сила и желба да изгради врска заснована на доверба и разбирање“, рече советничката за брак.

3. Презема одговорност за своите постапки

Никој не е совршен, а несогласувањата се неизбежни во секоја врска. Но, она што го разликува квалитетниот сопруг е неговата способност да преземе одговорност кога ќе направи грешка, тврди Феј.

„Наместо да ја префрли вината или да бара изговори, тој ги признава своите постапки и работи на нивно поправање. Овој вид на зрелост не е само начин да се избегнат конфликти, туку покажува почит кон партнерот и врската. Кога некој презема одговорност, тоа испраќа силна порака – вашата врска е важна за него, и подготвен е да вложи напори за да ја одржи силна“, објасни брачната советничка.