Нарцисите се едни од најпопуларните пролетни луковици поради нивните прекрасни златни бои.

Тие симболизираат повторно раѓање и нови почетоци. Грижата за нарцисите е прилично едноставна, а кога еднаш ќе ги засадите, ќе сакате да ги имате од година во година. Тие потекнуваат од Северна Европа и се одгледуваат во умерена клима низ целиот свет. Исто така се и официјалниот цвет на Велс и традиционално се носат на Денот на Свети Давид, кој се слави на 1 март.

Постојат помеѓу 13.000-25.000 сорти на нарциси, но најпопуларни се сортите на труба. Има 13 главни типови на нарциси кои најчесто се одгледуваат во градините, но приближно 13.000-25.000 различни сорти во секоја поделба. Најзастапени сорти ги вклучуваат веќе споменатите труба нарциси, има и дупли нарциси, Триандрус и други.

За многумина овој цвет е омилен дел од пролетната декорација, па доколку одлучите да го освежите домот со прекрасен букет нарциси, еве како да го направите да трае што подолго:

Ставете ги цвеќињата во топла вода

Кога ќе ги исечете нарцисите од градината, ставете ги во кофа со топла вода и оставете ги на ладно место 2-3 часа за да се стврднат стебленцата. Бидејќи нарцисите содржат токсини во нивните стебла, не заборавајте да ги чувате цвеќињата подалеку од другите сорти за да избегнете убивање на други растенија.

Исечете ги стебленцата

Кога нарцисите се подготвени за ставање во вазна, исечете го секое стебло за да траат подолго. Не заборавајте да ги исечете стеблата под топла вода и под благ агол за да спречите воздушни меури и да дозволите цвеќето брзо да ја апсорбира водата.

Наредете ги цвеќињата

Наполнете ја вазната со топла вода и храна за цвеќиња и почнете да ги аранжирате нарцисите. Имајте на ум дека овие пролетни цвеќиња содржат млечен сок кој може да отруе други цветови, па ако сакате да ги измешате со други сорти, имате две опции: почекајте 24 часа за да направите мешан букет или ставете ги нарцисите во одвоена вазна.