Наставничка по ликовно која предизвика полемика на социјалните мрежи: „Носам тесна облека која ја истакнува мојата фигура, родителите велат дека сум очајна“

Американската наставничка која не го открила своето име, означена е како „желна за внимание“ и „очајна“ поради облеката која ја носи на работа.

Наставничката по ликовно во Њу Џерси често ги споделува своите модни комбинации кои ги носи на работа на својот Инстаграм профил којшто има над 960.000 следбеници. На некои од фотографиите се гледа како бринетата позира покрај таблата во својата училница.

Други ги прикажуваат нејзините ученици во училницата, иако не им се гледа лицето, пренесува „NY Post“. Додека многумина ја фалеле наставничката дека има самодоверба поради нејзините модни објави – некои од родителите сметаат дека облеката е неприфатлива.

Наставничката се соочила со негативни реакции од родителите кои изјавиле дека не би требала да носи таква облека поради тоа што работи во училиште.

„Вие сте во училница и се фотографирате за на Инстаграм. Покажувањето фотографии од училницата така облечени е непристојно“, бил еден од коментарите.

„Таа фотографија едноставно изгледа лудо и како да сте очајни за внимание“, „Очајна си, го фотографираш пленот во текот на часот?“, прашале други.

Наставничката им вратила на негативните коментари со видео на Инстаграм во кое се брани и зошто тоа што го носи нема никакво влијание на нејзините наставни способности.

„Видов некои мажи како кажуваат некои луди, злобни работи, но јас ги учам децата и нема онакви кои ме мразат во училница и кои така размислуваат.

Јас навистина сум добра наставничка. Некои од учениците ми испраќаа електронска пошта во текот на летото и бараа домашна задача од мене. Тие ја сакаат уметноста. Сакам да им предавам уметност. Сакам да работам со деца на реална уметност“.