Раководството на ФК Вардар исплатило 250.000 евра на сметката на УЕФА, за кои Европската фудбалска федерација имаше побарување од клубот поради различен вид неправилности од периодот до 2024 година.
Актуелниот македонски шампион со ова ги исчистил сите долгови кон европската централа и може без проблеми да се фокусира на остварувањето на своите амбиции за наредниот период.
– ФК Вардар АД денеска ја плати казната кон УЕФА во вредност од 250.000 евра (двесте и педесет илјади евра).
– Казната се однесува на неправилности, манипулации, фалсификати и незаконити дејствија направени од предходните сопственици, акционери и одбор на директори. Период пред летото 2024-та.
– Во сезоните 2021/22, 2022/23 и 2023/24 склучувани се незаконски двојни договори (пример: договорите со Блажевски и Глишиќ), исплаќани се пари од други сметки, недостасува сметководствена документација и дузина други неправилности наведени во образложението на казната од УЕФА, – стои во соопштението на клубот.
