Челси оваа сезона е активен само на домашната сцена што значи дека најголемиот фокус ќе биде ставен на маратонот во Премиер лигата и обидот да се дојде до што подобар пласман.
Главна цел на „сините“ е да бидат во Топ 4, топ 5 и да изборат место во Лигата на шампионите, но доста луѓе во нив гледаат и состав кој би можел да се замеша во борбата за пехарот, да го предизвика Арсенал.
Дали е тоа реално ќе покаже времето, но за Пол Сколс таа приказна во моментов е завршена со одлуката да се продаде Енцо Фернандез и тоа во Манчестер Сити.
- Не мислам дека беше несреќен во Челси, но Манчестер Сити му ја сврте главата. Но, ако Челси сака да ја освои Премиер лигата, што мислам дека не можат, не можат да го пуштат Енцо Фернандез да си оди. Го имаа Мало Густо на средниот ред пред некој ден, тоа нема да биде доволно добро. Рис Џејмс започна на средниот ред, тоа нема да биде доволно добро.
- Не бев голем обожавател на Енцо кога првпат дојде, но ми се допадна и сега е брилијантен играч. Тој би бил многу добар за Манчестер Сити, но Челси не може да дозволи тоа да се случи, тоа е директен ривал. Челси веќе падна на колена пред Сити со менаџерот, очигледно го вознемирија и разговараа со него за доаѓање во лето.
- Тоа навистина ја уништи сезоната на Челси, бидејќи во тоа време беа во одлична форма, им одеше навистина добро. Ако Фернандез замине во Манчестер Сити, тоа потенцијално би можело повторно да ја уништи сезоната на Челси, - порача Сколс пред самата официјализација на трансферот вреден 125 милиони фунти.
