Кренис почнал да игра тенис како тинејџер во Бруклин во текот на 1950-тите години. Како леворак тенисер, висок 193 сантиметри, брзо стекнал репутација на играч со силен сервис и одлична игра на мрежа.

Подоцна се приклучил на американската армија, што му овозможило да патува низ светот и да настапува на големи тениски турнири. Играл на Вимблдон, Ролан Гарос и Ју-Ес Опен.

Неговата кариера започнала пред ерата на големите пари во тенисот, па немал можност да стане професионалец во денешната смисла на зборот. Сепак, се натпреварувал во ветеранските категории на УСТА, освојувал златни и сребрени признанија и бил национално рангиран во речиси сите возрасни категории од 35+ до 70+ години.

Стигнал и до финалето на Ју-Ес Опен за играчи постари од 35 години.

Работел до 84-годишна возраст

Посебно место во неговата кариера зазема работата со младите. Организирал јуниорски кампови низ кои поминале и идни тениски великани како Џон Мекинро, Витас Герулаитис и Дик Стоктон.

Во 2001 година бил примен во Куќата на славните на источниот тенис.

Кренис бил многу повеќе од тенисер кој настапувал на најголемите турнири. Неговата поврзаност со спортот траела со децении, а она што го правел и во повозрасните години особено ја издвојува неговата приказна. Кренис подоцна работел како тениски професионалец во клубови во Мериленд и Флорида, а неверојатен е податокот дека подучувал тенис сè до својата 84-годишна возраст.

Кренис ќе биде погребан на Националните гробишта во округот Палм Бич со воени почести.