Кристијано Роналдо забележа настап на шесто Светско фудбалско првенство, но тој како и неговата Португалија не се прослави на соочувањето со ДР Конго каде беше освоен само бод.
Можеби ремито од 1-1 е најмал проблем од натпреварот од проста причина што Португалија изгледаше навистина лошо на теренот, испрати само еден удар во рамките на голот за 90+ минути и тоа оној на стрелецот Жоао Невеш што е прескромно за селекција која е ставена на листата на топ фаворити за пехарот.
Најголеми критики оправдано или не доби ветеранот и воедно капитен Роналдо, а меѓу оние кои критички беа настроени кон него е и поранешниот соиграч од Манчестер Јунајтед, Пол Сколс.
- Мислам дека е тешко за менаџерот. Го работев „Stick to Football“ со Роберто Мартинез и го прашав зад камерите „дали тој е проблем за тебе? бидејќи чувствувам дека е навистина проблем. На 41 година… мислам дека има само една позиција на теренот на 41 година каде што треба да започнеш натпревар, а тоа е голман, за мене.
- Кристијано ќе биде многу лут затоа што Лионел Меси постигна хет-трик, Килијан Мбапе постигна два… тоа ќе го убие. Жал ми е за Мартинез затоа што се обидува да го прифати тоа и вели: „Не, го имам најдобриот стрелец на светот“, но длабоко во себе сигурно знае дека тоа му штети на неговиот тим., - вели Сколс и додава:
- Тој ќе постигнува голови во тим кој има посед на топката, но во транзициските натпревари, неговото движење со 41 е проблем. Португалија нема извонреден централен напаѓач, но ви треба некој што трча. За мене, тој треба да ги игра последните 15 минути. Можеби ќе се извлечете играјќи со 41 како централен дефанзивец или голман, но како централен напаѓач, тоа едноставно не е во ред, -порача англиската легенда.
