Англија имаше сигурен старт на 23. Светско фудбалско првенство и тоа против секогаш незгоедната Хрватска која ја совлада со 4-2.
Англичаните двапати водеа во првиот дел, но и двапати дозволуваа ривалот да се врати во игра за да во вторите 45 минути со погодоците на Белингам и Рашфорд конечно го скрши отпорот на „коцкестите“ и ги освои посакуваните три бода.
Меѓутоа и овој триумф донесе одредени критики, па некогашниот напаѓач Трој Дини му се посвети на голманот Џордан Пикфорд.
Дини смета дека Англија нема да може да стане првак на светот со Пикфорд како единица на голот.
- Благо кажано, да. Не ги знам баш статистиките и сè тоа. Го кажувам она што очите му го говорат. Сепак мислам дека требаше да го одбрани првиот [голот на Хрватска], тоа е мое мислење. Мислам дека кога ќе ja имаш топката, тоа мора да биде цврста рака и да ја исфрлиш.
- Го имам тоа чувство кога го гледам Џордан…има шут од 45 метри и доаѓа до него, а тој им вика на сите: Вршете си ја работата, не дозволувајте вакви удари! Секој пат кога ќе одбие еден удар, ќе фаулира некого, ќе направи што и да е, тој е како: „Не ме гледај!
- Се обидуваме да освоиме Светско првенство. Затоа сме тука. Според мене, и со почит, Џордан, затоа што знаеш дека ми се допаѓаш. Не можеме да го освоиме со тој човек на голот. Тој не ти дава никаква самодоверба, -порача Дини.
