[ВИДЕО] Светското првенство уште не започнало, а судиите веќе се главна тема! Погледнете го спорниот пад на Винисиус

Се одбројуваат деновите до почетокот на Светското фудбалско првенство во САД, Канада и Мексико, а во саботата силите во пријателски натпревар ги одмерија петкратниот светски шампион Бразил и Египет. Победата ѝ припадна на селекцијата на Карло Анчелоти, која со 2-1 ја совлада африканската репрезентација.

„Селесао“ поведе уште во седмата минута преку Бруно Гимараеш, а Мустафа Зико во 11. минута израмни на 1-1. Сепак, Ендрик со голот во 52. минута ги одведе Бразилците до важна победа за моралот во пресрет на големото натпреварување.

Но, по натпреварот најмногу се зборува за судењето на Мексиканецот Адонаи Ескобедо Гонзалес.

Најспорниот момент се случи кон крајот на првото полувреме. Винисиус со маестрален дриблинг се ослободи од двајца противнички играчи, а притоа десниот бек Мохамед Хани очигледно го собори на патот кон голот. Сепак, на шок на Бразилците, Мексиканецот не се огласи и не досуди прекршок.

Некои не се воодушевени ниту од пеналот што ѝ беше досуден на Аргентина во првото полувреме од натпреварот против Хондурас. Левиот бек Николас Таљафико падна на работ од шеснаесетникот откако беше згазнат од Кристофер Мелендез.

Лаутаро Мартинез беше прецизен реализатор од белата точка.

Натпреварот заврши со победа на Аргентина од 2-0.