Огромен бик упаднал во фризерски салон во Истанбул и тргнал кон преплашениот персонал, додека вработените бегале за да си ги спасат животите.
Станува збор за разјарен бик тежок околу 1,5 тон, кој, според наводите, избегал од контрола на својот сопственик. Тој планирал да го заколе животното, но бикот успеал да се оттргне и почнал да дивее.
Надзорните камери го снимиле шокантниот инцидент во кој огромниот кафеаво-бел бик провалува во мал локал во населбата Султанбејли во Истанбул на 27 мај.
🐂 In Turkey, a bull that was about to be sacrificed for Eid al-Adha decided to fight for its life — and trashed a barbershop in Istanbul instead
— NEXTA (@nexta_tv) May 28, 2026
The animal escaped from its owner in Istanbul’s Sultanbeyli district, stormed into a local salon, smashed the storefront window, and… pic.twitter.com/eYAsfIlLIf
Животното го искршило излогот на салонот и ги натерало присутните во паника да побегнат на безбедно место.
Бикот бил купен од сопственикот во пресрет на Курбан Бајрам, исламскиот празник на жртвувањето, за време на кој семејствата традиционално колат добиток и го делат месото со роднините, соседите и луѓето на кои им е потребна помош.
Како да ја насетувал својата судбина, животното успеало да избега од сопственикот и да протрча низ улиците на населбата пред да стигне до фризерскиот салон.
