Обединетото Кралство се смета за најпријателска земја во Европа, по што следат и другите европски соседи.

Во анкетата, спроведена од американската компанија „Remitly“, учествувале 5.000 луѓе од 26 земји. Од нив било побарано да ги наведат нациите за кои сметаат дека имаат најдобри манири, но и да оценат колку се учтиви самите. За да се оценат себеси, учесниците одговарале на прашања за нивното однесување, на пример, дали се однесуваат кон странци со почит.

Глобалниот список на најучтиви земји ги наведува земјите што најчесто ги споменуваат испитаниците, додека списокот за самооценување е креиран врз основа на доволниот број одговори собрани од секоја земја.

Британците се на врвот, но скромни во самооценувањето

На глобално ниво, повеќе од една третина од испитаниците веруваат дека Јапонците се најучтиви, што не е изненадувачки со оглед на репутацијата на Јапонија како учтива нација. Канада е на второ место, а Обединетото Кралство на трето место. Британците се рангираа високо поради нивната честа употреба на зборовите „ве молам“ и „благодарам“, ироничниот хумор и културата на трпеливо чекање во ред.

Иронично, самите Британци се рангираа само во долната половина од листата кога станува збор за сопствената пристојност. Можеби биле премногу учтиви за да се стават себеси пред другите.

Големи разлики во перцепцијата

Слични несовпаѓања се видливи и кај другите нации. Германија, која другите ја сметаат за петта најучтива земја поради нејзиниот фокус на приватноста, точноста и вниманието, се пласираше на 21-во место. Од друга страна, Французите се оценија себеси како петта најучтива нација, додека остатокот од светот ги рангираше на 19-то место.

Најголемата разлика е видлива во Јапонија, глобалниот фаворит, која во својата проценка заврши на 25-то место, последна од сите анкетирани земји.

Истражувањето забележува дека, кога станува збор за самоперцепција, разликата помеѓу најдобро и најлошо рангираните земји била помала од еден поен, што покажува дека повеќето луѓе се сметаат себеси за пристојни.

Најпристојни земји во светот според глобалната перцепција

📍Јапонија;
📍Канада;
📍Обединето Кралство;
📍Кина;
📍Германија;
📍Филипини;
📍Шведска;
📍Данска;
📍Финска;
📍Јужна Африка;
📍Австралија (изедначена);
📍Швајцарија (изедначена);
📍Соединети Американски Држави;

📍Индија;
📍Ирска;
📍Нов Зеланд;
📍Норвешка;
📍Холандија;
📍Тајланд (изедначена);
📍Франција (изедначена);
📍Бразил;
📍Шпанија;
📍Белгија;
📍Италија;
📍Австрија.

Земји кои се сметаат себеси за најпристојни

📍Бразил;
📍Чиле;
📍Индија;
📍Шведска;
📍Франција;
📍Мексико;
📍Шпанија;
📍Јужна Африка;
📍Соединети Американски Држави;
📍Португалија;
📍Италија;

📍Австрија;
📍Грција;
📍Канада;
📍Ирска;
📍Белгија;
📍Австралија;
📍Обединето Кралство;
📍Нов Зеланд;
📍Холандија;
📍Германија;
📍Филипини;
📍Чешка Република;
📍Унгарија;
📍Јапонија.