Во Франција забрането е на децата да им се дава едно старо Македонско име: Вака се викаше секоја втора баба, но таму има грозно значење

Ширум светот Владите вовеле закони кои го ограничуваат изборот на имиња за децата за да бидат заштитени од потенцијален срам. Но, додека некои закони звучат разумно, други изненадуваат.

Името за детето е една од поголемите задачи за родителите. Додека некои бараат инспирација во традицијата, други се одлучуваат за креативност која понекогаш ги надминува границите. Поради бизарните или навредливи избори за име на дете, многу од државите вовеле посебни закони и забрани за да ги заштитат децата од потенцијални непријатности и исмевања.

Правилата за давање имиња на деца ширум светот се разликуваат, а причините за забрана на одредени имиња се бројни. Името Адолф е забрането во Германија, Малезија, Мексико и Нов Зеланд.

Во Јапонија, името Акума (ѓавол) е забрането за да се заштити детето, додека пак во Франција забрането е на децата да им се дава името Нутела затоа што се смета дека е „спротивно од интересите на детето“.

Во Франција исто така на бебињата забрането им е да им се дава името Фраисе (Јагода) и тоа поради колоквијалната асоцијација. Имено, во Франција Фраисе често во сленг се користи како „фаца“ или „муцка“, па властите сметаат дека крајно непримерно и непристојно е на детето да му дадете такво име.

Инаку, името Јагода потенува од 13 век и освен во Македонија, популарно е и во Србија, Хрватска и Полска. Настанало од истоименото овошје и било многу често на Балканот, а во Полска и натаму е актуелно.

И во другите европски земји постојат специфични правила кога станува збор за давање на име на детето. Така родителите во Германија мора да изберат име кое јасно го означува полот, не смее да биде презиме или име на производ, а секој одбиен предлог се плаќа.

Шведскиот закон забранува имиња кои можат да предизвикаат „навреда или непријатност“, така што обидот на дете да му се даде името Brfxxccxxmnpcccclllmmnprxvclmnckssqlbb11116 , наводно Албин, е одбиен.

Исланд исто така има строги правила: имињата смеат да имаат само исландски букви и граматички да одговараат на јазикот, така што Каролина или Енрике не се дозволени. Данска има листа од околу 7.000 одобрени имиња, а останатите бараат посебно одобрување.

Во Саудиска Арабија, титулите како што е Амир (принц) резервирани се само за племството. Освен тоа, во ова кралство на Блискиот исток на родителите не им е дозволено на децата да им дадат имиња како што се Линда и Алис затоа што јасно е дека станува збор за стари имиња.

Португалија бара традиционални португалски имиња кои одговараат на правописот, така што Ашанти, Том или Нирвана се забранети.

Во Мароко родителите бираат имиња од листата на Владата кои одговараат на „мароканскиот идентитет“. Од таа причина хебрејското име Сара не е дозволено.