Мајката на три деца планирала да облече многу кратки шорцови, но на Бен Азар тоа не му се допаднало. Таа сè снимила и објавила.

Расправа околу комбинацијата

Инди (28) и Бен биле поканети на ЛИВ голф турнирот во Аделаида. Додека се подготвувале, Инди во видео ги покажала беж микро-шорцовите што имала намера да ги носи и рекла дека нејзиниот сопруг не сака да ги види на неа.

Бен во еден момент ги подигнал своите боксерки и ги споредил со нејзините шорцови, со коментар: „Пократки се од моите гаќи“.

Инди тврдела дека таквиот модел и треба да биде краток и ги комбинирала со неколку различни маици, но коментарот на сопругот очигледно ја натерал да размисли.

Промена на планот

На крајот избрала сива комбинација од здолниште и шорцови, т.н. „скорт“. „Успеа да ме наговори и сега имам чувство дека не можам да ги носам оние кратки шорцови што ги планирав“, им рекла на следбениците. На шега додала: „Калуѓерски вибрации, луѓе. Се надевам дека ви се допаѓа мојата комбинација, маж ми токму ме натера да се пресоблечам. Супер, чао“.

Сепак ги облекла

Но приказната тука не завршила. Во следното видео Инди го покажала продолжението. Најпрво можеме да ја видиме во комбинацијата што Бен ја одобрил, со натпис: „Мојот сопруг не сакаше да носам мини-шорцови на голф, па наместо тоа го облеков ова здолниште“.

Потоа снимката се префрла на следниот ден, кога Бен веќе си заминал дома. Инди шета по тревникот токму во беж шорцовите што првично сакала да ги носи.

„И ги облеков шорцовите следниот ден кога тој си замина дома“, напишала таа, додавајќи ја пораката: „Работете попаметно, а не понапорно, дами.“

Поделени реакции

Објавата предизвика бројни коментари. Многумина ја поддржале.

„Така се прави тоа“, напишала една корисничка. „Да го имав твоето тело, ни јас не би носела облека“, додала друга.

Но има и такви што застанале на страната на нејзиниот сопруг. „Од модна гледна точка, мислам дека подолгите шорцови би биле подобар избор“, коментирала една следбеничка.