Актерката по снимањето на филмот со Џони Деп со години одела на психијатар: „Тоа е многу несигурен период, особено за жените“

Кира Најтли имала само 18 години кога првпат почнала да ја глуми Елизабет Свон во глобално популарната франшиза „Пиратите од Карибите“ во која глуми и холивудскиот заводник Џони Деп, но и Орландо Блум. И додека филмовите станаа големи хитови ширум светот, се докажало дека Најтли немала баш убаво искуство.

Во текот на интервјуто за магазинот „Variety“ од 2024 година, 40-годишната актерка повторно зборувала за некои од своите претходни искуства во кариерата, вклучувајќи ги и филмовите „Пиратите од Карибите“ и колку било „ужасно“ да се стекне слава како млада.

„Не сум екстровертна, така што тоа ниво на испитување и тоа ниво на слава беше многу тешко“, рекла таа.

„Тоа беше доба кога се развивате, сѐ уште не сте созреале и мора да правите грешки. Тоа е многу несигурно време, особено за жените“.

Таа изјавила дека иако било трауматично, сепак тој период го одредил останатиот дел од кариерата.

„Значи, гледајќи наназад, дали би направила нешто поразлично? Не, не би направила затоа што сега имам неверојатно многу среќа, а мојата кариера е на местото каде што сега навистина уживам, а имам ниво на слава кое е помалку интензивно“, продолжила таа.

„Сега можам да се справам со тоа и тоа е прекрасно. Но, во тоа време не беше толку прекрасно и ми требаа години терапија за да го сфатам тоа“, додала таа.

Исто така ја прашале што научила од тоа искуство и таа нагласила дека мора да бидеме многу внимателни со нашите помлади жени.

Актерката понатаму објаснила дека нејзините искуства на сет сега влијаеле на начинот на којшто се однесува кон другите млади жени во индустријата.

„Кога работам со млади актери, многу сум заштитнички настроена кон нив“, рекла таа, па додала:

„Многу од луѓето велат: Ох, тука сте само поради вашето лице. И тоа ги омаловажува на начин на кој изгледаат. Мислам дека секој може да биде пољубезен“.

Нејзината претходна кариера имала драматично влијание врз неа затоа што додала и дека не би сакала нејзините ќерки да станат актерки.

Најтли има две ќерки со сопругот Џејмс Рајтон – Еди (10) и Далила (6).

Во јануари 2019 година таа била искрена за своето искуство со мајчинството, признавајќи дека ѝ било тешко, без оглед на нејзината „привилегија“.

„Не мислам дека на жените им даваме доволно признание за физички и емоционален маратон низ кој поминуваат кога ќе станат мајки.

Доаѓам од места со неверојатна привилегија. Имам неверојатен систем на поддршка, имав неверојатна среќа во кариерата, можам себеси да си дозволам грижа за децата, но сепак и натаму ми е многу тешко“, изјавила таа, па објаснила дека таа изјава не значи дека не ги сака своите деца.

„Само признавам дека недостатокот на сон, хормонските промени, промена во односот со партнерот, сите работи кои ме тераат да се чувствувам како секојдневно да не успевам“.