[ФОТО] Духот на стариот Холивуд со потпис на „Прада“: Кејт Хадсон во црвен фустан - чист луксуз на БАФТА наградите

Доделувањето на наградите БАФТА во Лондон беше дочекано со голема љубопитност, како и секоја година, а луѓе од светот на филмот се собраа во Лондон за да видат кој ќе ја освои престижната награда, но и да прошетаат по црвениот тепих и да украдат дел од вниманието.

Меѓу најзначајните дами секако беше Кејт Мидлтон, која се појави со принцот Вилијам на овој настан среде скандалот што го тресе британското кралско семејство и апсењето на поранешниот принц Ендру.

Освен неа, дамите од светот на филмот вложија многу труд да прошетаат по црвениот тепих во елегантни креации.

Ема Стоун, Тејана Тејлор, Моника Белучи се меѓу најдобро облечените дами, но една од номинираните за наградата БАФТА, актерката Кејт Хадсон, остави огромен впечаток.

Таа дефинитивно се издвои со бојата на фустанот, па ги привлече сите погледи кога се појави на црвениот тепих во елегантен црвен фустан.

Актерката го донесе духот на стариот Холивуд во Лондон во фустан без прерамки од брендот „Прада“.

Креацијата беше припиена во горниот дел, истакнувајќи го нејзиниот струк и витка силуета, додека накитот и впечатливиот дијамантски ѓердан што го носеше актерката исто така привлекуваа внимание.

Долниот дел од фустанот се прошири во А-крој. Навидум едноставниот крој дава елегантен и гламурозен впечаток.