Одбраните кандидати ќе мора да се обврзат на пет часа работа дневно, пет дена во неделата, со директна грижа за мачките, а за возврат ќе добијат бесплатно сместување, платени режиски трошоци и појадок.

Задачите на волонтерите во засолништето на островот Сирос вклучуваат чистење, хранење, социјализација на млади спасени мачки и „галење мачиња“, пишува „Time Out“.

Засолништето „Syros Cats“ постои уште од деведесеттите години и се смета за еден од пионерите на денес развиеното движење за заштита на животните на островот. Тие бараат „физички подготвени, зрели, здрави и самостојни“ лица кои се подготвени да останат најмалку еден месец и да помогнат во работата.

Основната мисија на засолништето е контрола на популацијата на уличните мачки преку „TNR“ програмата (хумана стерилизација), следење на нивната здравствена состојба, обезбедување ветеринарна грижа кога е потребно, како и редовно хранење.

Благодарение на работата на организациите „Syros Cats“ и „God’s Little People Cat Rescue“, односот меѓу мачките и локалното население се променил од непријателски во однос на меѓусебна почит, а островот денес со гордост ја прифаќа својата мачја популација како симбол на идентитет.

Светски симбол на грижа за животните

„Сакаме да му покажеме на светот дека животните се важни“, изјавил Ричард Боуел, коосновач на второто засолниште, за „Greek Reporter“. „Начинот на кој се однесуваме кон нив одразува дел од нашата сопствена човечност“, истакнал тој.

Пријавите за претстојната летна сезона веќе се затворени, но ако сакате да се вклучите во 2027 година, процесот на пријавување треба повторно да се отвори наесен. Следете ја официјалната веб-страница на организацијата „Syros Cats“ или пријавете се на нивниот билтен.

Кикладскиот остров Сирос стана светски симбол на грижата за животните – дом на две реномирани засолништа за мачки кои со децении ја претвораат некогаш безнадежната ситуација со уличните мачки во пример за сочувство и одговорност.

Иако многу грчки острови се познати по живописните популации на улични мачки, Сирос се издвојува по организираната и неуморна работа на организациите „Syros Cats“ и „God’s Little People Cat Rescue“.