Зборувајќи во живо „Си-ен-би-ес“ Дејвид рече: „Секогаш зборував за социјалните медиуми и моќта на социјалните медиуми… и на добар и на лош начин. Она до што децата имаат пристап денес може да биде опасно. Но, она што лично го забележав, особено кај моите деца, е дека тие ги користат социјалните медиуми од вистински причини.“

„Можев да ја користам мојата платформа и бројот на луѓе што ме следат, за УНИЦЕФ. И тоа беше најмоќната алатка за да ги запознаам луѓето со тоа што им се случува на децата низ целиот свет. И се обидов да го направам истото со моите деца – да ги едуцирам. Тие прават грешки, но на децата им е дозволено да прават грешки. Така учат. Тоа е она што се обидувам да ги научам моите деца – понекогаш мора да им дозволите да ги прават тие грешки“, додал тој.

Дека целата семејна ситуација е непријатна за поранешниот фудбалер, докажува и уше еден моментот кога Бекам позираше за фотографите и селфиња со обожавателите во Давос.

Новинар на „Скај њуз“ го праша: „Дејвид, дали имаш порака за Бруклин?“ Бекам не се осврна назад, целосно го игнорираше прашањето, се сврте и набрзо го напушти местото на настанот. Додека си заминуваше, новинарот му постави уште едно прашање: „Дали си разочаран што семејните работи се објавуваат јавно?“, но дури и тогаш Бекам не даде никаков коментар.

Обвинувањата на Бруклин

Коментарите на Дејвид стигнаа еден ден откако Бруклин во низа објави на Инстаграм го обвини татко му и 51-годишната мајка Викторија дека се обидуваат да ја саботираат неговата свадба со Никола Пелц Бекам (31) и дека во медиумите „шпекулираат со многу лаги“. Тој тврдел и дека родителите „неуморно се обидувале да ја уништат“ неговата врска со Никола заради публицитет и дека за нив „промоцијата и спонзорствата“ се поважни од се`.

Меѓу другото, навел дека родителите се обиделе да го „подмитат“ за пред свадбата да се откаже од правото на своето презиме, како и дека Викторија „го презела“ првиот танц и „непримерно танцувала“.

„Со години молчев и се обидував сè да остане приватно. За жал, моите родители и нивниот тим продолжија да се појавуваат во медиумите, па немав друг избор освен да проговорам и да ја кажам вистината – барем за дел од лагите што беа објавени“, напишал Бруклин. „Не сакам да се помирам со семејството. Не сум ничија марионета – за првпат во животот се залагам за себе“, додал тој.

Позадина на конфликтот

Објавите на Бруклин следуваа по повеќемесечни шпекулации за раздорот помеѓу него и Никола, како и помеѓу Дејвид и Викторија. По неговата изјава, извор блиску до ситуацијата изјавил за „People“ дека Бруклин и Никола „никогаш не сакале ништо од ова“.

„Тие само сакаа мирно да живеат и да бидат во брак… Бекамовите имаа доволно време да се помират и да се обидат да ја поправат штетата, но наместо тоа продолжија да пласираат лажна приказна. Бруклин и Никола едноставно се изморени од сето тоа“, тврди изворот.

Минатиот мај, друг извор изјави дека односот помеѓу Бруклин и неговите родители „сигурно не е трајно нарушен“. „Тие го сакаат и секогаш се тука за него. Само се повредени и разочарани што тој повеќе не учествува во семејниот живот“, рекол тој.

Порано овој месец, извор запознат со ситуацијата изјавил дека „Дејвид и Викторија повеќепати се обиделе да договорат средба и разговор со Бруклин и Никола за да започнат нова страница“. „Дејвид ги обожава своите деца. Тие му значат сè“, додал изворот.

Бруклин и неговата сопруга Никола Пелц (31) се во центарот на семејна расправија, што ги натера да ги игнорираат сите важни семејни собири во последните месеци, вклучувајќи го и 50-тиот роденден на неговиот татко Дејвид, како и доделувањето на витешка титула.