Актерката, позната по беспрекорниот стил, но и по изгледот, неодамна открила дека тајната на нејзината блескава кожа не е во скапи третмани, туку во изненадувачки производ со пристапна цена од француска аптека, пренесе „Hello! Magazine“.

Тајната што ја открила Алекса Чанг

Гостувајќи во серијалот „Во мојата козметичка торбичка“ на „Harper’s Bazaar“, Сиена открила дека го користи кремот „A313 Vitamin A Pommade“ од компанијата „Pharma Développement“. Станува збор за ретинолски крем кој може да се купи на Амазон за само 19,95 евра.

„Како што можете да видите по состојбата на мојата козметичка торбичка, ова навистина е мојата козметичка торбичка. Не ја прегледував баш, бев отсутна еден месец и само ја зграпчив, така што ова е автентично“, рекла Сиена.

„Ова навистина е фантастична тајна. Се вика A313 и тоа е француски ретинол што можете да го купите без рецепт. Алекса Чанг ми кажа за него, а таа има неверојатна кожа. Се опишува како тајната на француските девојки за сјајна кожа, па затоа нѝ треба на сите“, додала актерката.

Што се крие во популарниот крем?

Ретинолот, познат и како витамин А е една од најпопуларните состојки за спречување на видливите знаци на стареење. Иако на пазарот постојат безброј производи, изборот на вистинската формула може да биде предизвик.

A313 се смета за понежна опција бидејќи содржи ретинил палмитат – комбинација од ретинол и масна киселина. Формулата содржи и полиетилен гликоли кои го стабилизираат ретинолот и му помагаат поефикасно да продре во кожата, додека антиоксидативните својства ја штитат кожната бариера.

Се препорачува да се нанесува навечер, во многу мала количина на сува кожа, пред нанесување хидратантен крем.

Рецензиите кажуваат сè

Но, Сиена не е единствената што го фали овој производ. Бројни онлајн рецензии потврдуваат дека кремот прави чуда во измазнувањето на кожата, намалувањето на пигментацијата и борбата против акните.

„Ја користам речиси два месеци, како што беше препорачано во друга рецензија. Двапати неделно, потоа трипати неделно, потоа секој втор ден, а потоа секој ден. Секојпат по две недели. На почетокот кожата ми се чистеше како луда, што ми ги влоши акните. Тоа траеше добри неколку недели, но како што минуваше времето сè повеќе се намалуваа. Сега конечно имам чиста кожа, првпат по повеќе од 15 години! Ваква кожа немав откако влегов во пубертет!“, напишал еден купувач на Амазон.

„Минатата година ја пребарав секоја аптека во Париз на која налетав, само за да откријам дека производот привремено престанал да се произведува. Поради тоа уште повеќе го посакував A313. Овој крем навистина делува. Ви треба само малку на многу сува кожа двапати неделно, но резултатите се гледаат веќе следниот ден. Помазна и посветла кожа“, напишала друга корисничка.

„Барав добар ретинол, но кој не е скап, и ова е ТОЈ. Моментално го користам секоја втора вечер, со retimax, а мојата кожа никогаш не изгледала толку добро. Повторно ќе го купам“, напишала трета корисничка.