Шпанија секогаш имала клубови кои достојно ја претставувале својата земја во европските натпреварувања, но понекогаш има исклучоци и најдобар пример за тоа во оваа сезона е Вилјареал.
Тимот кој блеска во Примера и е на третото место зад Барселона и Реал Мадрид игра катастрофално во Лигата на шампионите каде има освоено само еден бод на шест натпревари.
„Жолтата подморница“ не успева да излезе на крај ниту со екипи како Пафос и ФК Копенхаген, аутсајдери во ова натпреварување, но воедно два клуба кои го добија Вилјареал со 1-0 и 3-2.
Се некакоо изгледа дека клубот од Пиринеите сака што побрзо да ја заврши оваа епизода во елитната конкуренција, а уште една потврда за тоа е големата грешка која беше направена пред вчерашниот меч со Копенхаген каде наместо химната на ЛШ ечеше онаа на Лига Европа.
They've just played the Europa League tune rather than the Champions League one.
— Ruairidh Barlow (@RuriBarlow) December 10, 2025
Might be taken with more humour if Villarreal were coasting through to the knockouts. pic.twitter.com/CxfzPFfPxH
