Тие се идеална комбинација од зеленчук и тенки кори, а благодарение на подготовката без масло, остануваат лесни и здрави, а истовремено многу сочни и ароматични. Со малку внимание и едноставни состојки, секоја посна пита може да стане омиленото јадење на семејството и гостите, кое лесно се подготвува и одлично се комбинира со салати или чорби.

Посна пита со зелка

Состојки:

500 г кори за пита

700 г свежа зелка

1 главица кромид

сол и бибер по вкус

150 мл вода

Подготовка:

Зелката ситно исечкајте ја, па со раце добро изгмечете ја за да омекне.

Кромидот исечкајте го и ставете го во тенџере со неколку лажици вода за да омекне.

Додајте ја зелката, солта и биберот, поклопете и варете додека целосно да омекне и додека течноста да испари.

Корите напрскајте ги со вода и рамномерно распоредете го филот врз нив.

Завиткајте во ролати или редете слоеви како гибаница.

Одозгора повторно малку напрскајте со вода.

Печете на 190 – 200°C околу 30 – 35 минути, додека да добие благо златна боја.

Посна пита со тиквички

Состојки:

500 г кори за пита

800 г тиквички

1 мал кромид

1 лажичка сол

1 лажичка сушен зачин

100 мл вода

Подготовка:

Тиквичките изрендајте ги и малку исцедете ги.

Кромидот ситно исечкајте го и омекнете го во тенџере со малку вода.

Додајте ги тиквичките, солта и сушениот зачин. Варете додека поголемиот дел од водата не испари.

Корите лесно прскајте ги со вода, нанесувајте од филот и виткајте во ролати.

Ставете ги во плех, повторно малку напрскајте со вода.

Печете на 190°C околу 30 минути.

Оставете малку да се излади пред сечење.

Посна пита со модар патлиџан

Состојки:

500 г кори за пита

2 средни модри патлиџани

1 голема главица кромид

1 црвена пиперка

1 чешне лук

1 лажичка сол

Прстофат пипер

150 – 200 мл вода

Подготовка:

Модриот патлиџан исечете го на коцки, посолете и оставете го да стои околу 15 минути, потоа измијте и исцедете.

Кромидот и пиперката ситно исечкајте ги.

Во тенџере ставете неколку лажици вода, додадете го кромидот и динстајте го поклопен додека да омекне, па додајте ја пиперката и кратко варете.

Потоа додајте го модриот патлиџан, сол и бибер, поклопете и варете 15 – 20 минути, повремено долевајќи мала количина вода, само онолку колку што е потребно зеленчукот да омекне без да загори.

По желба, пред крај додајте ситно сечкан лук. Корите за пита напрскајте ги со вода, распоредете го филот и виткајте во ролати, па наредете ги во плех малку напрскан со вода.

Врз питата прелијте уште малку вода за корите да омекнат.

Печете на 190 – 200°C околу 30 – 35 минути, додека благо да поруменат.