Ели е во врска со 28-годишниот Бо Миниар околу шест месеци. Новата љубов доаѓа по нејзиниот развод од трговецот со уметнички дела Каспар Џоплинг, со кого беше во брак пет години и со кого го има четиригодишниот син, Артур.

Пејачката ја потврди својата врска со Бо во септември, а извор за „Дејли мејл“ истакна дека се многу заљубени и дека е прекрасно да се види колку се среќни заедно.

Кој е Бо Миниар?

Бо е британски актер и модел, роден на 30 мај 1997 година. Својата кариера ја изградил преку телевизиски и филмски улоги, вклучувајќи проекти како „Ноќ во Игл Ин“ и „Лоша фризура“. Покрај глумата, тој се занимава и со манекенство.

Вечер која ја слави модата

„Fashion Awards“ се сметаат за еден од најважните настани во модниот календар и ги обединуваат истакнатите имиња од глобалната модна индустрија, вклучувајќи веќе етаблирани дизајнери и нови таленти. Годинешната церемонија ја води актерот Колман Доминго, кој по тој повод носел „Burberry“.

Доделувањето првпат се одржало во 1989 година под името „British Fashion Awards“, а во 2016 година било преименувано за да се нагласи неговиот меѓународен карактер. Иако низ годините се одржувало на различни локации, од 2016 година сместено е во „Royal Albert Hall“ во Лондон. Во текот на својата историја угостило бројни познати личности, меѓу кои принцезата Дијана, Спајс Грлс, Вивиен Вествуд и Карл Лагерфелд.