Фотографија од Мис Југославија на пат за Токио ги освои социјалните мрежи: „Тоа беше убавина без силикони и ботокс...“

Фотографијата била направена на аеродром, пред тргнувањето за Токио каде нејзината убавина е навистина нереална. Популарната Злата Петковиќ не се заборава.

Српската актерка, како и поранешна Мис Југославија, Злата Петковиќ, починала на 3 декември 2012 година во Белград на 58-годишна возраст. Нејзините улоги се паметат, но исто така се памети и нејзината посебна убавина, дамски имиџ, харизма.

„Тоа беше убавина без силикони и ботокс, а сега сѐ повеќе личат една на друга, ни родените мајки не ги препознаваат“, луѓето и вака ја коментирале убавината на актерката, родена на 11 февруари 1954 година.

Таа се школувала во Смедерево и Загреб, а во 1970 година кога имала само 18 години, ѝ било понудено да учествува на изборот за најубава тинејџерка во Југославија односно во Загреб каде била избрана за прва придружничка по што отишла на светскиот избор за најубава тинејџерка во Токио каде ѝ била доделена наградата круна за Мис фотогеничност.

Првата улога ја остварила во филмот на Милан Јелиќ „Бубашинтер“. Студирала ФДУ во Белград. По студиите режисерот Александар Ѓорѓевиќ ѝ понудил улога во филмот и серијата „Отпишани“ кои ја одбележале српската кинематографија. Глумела и во многу други познати српски филмови.

Била позната и по прекрасниот глас, а во 1980 година работела и како ТВ-водителка на емисијата „Фолк парада“ заедно со Предраг Гуне Гојковиќ и Предраг Живковиќ Тозовац.

Починала седум дена откако доживеала мозочен удар. Била венчана за популарниот композитор Александар Саша Илиќ со којшто го има синот Андреја.