Со тоа ја поддржале иницијативата на фондацијата Арчивел, која се залага за помош на оние што не можат сами да си обезбедат храна. Војвотката и војводата од Сасекс, заедно со ќерката и синот, учествувале во подготвувањето и пакувањето на оброците.

Видеото од таа посета го објавија на веб-страницата на својата фондација „Арчивел“. Освен хуманиот гест, се коментира и тоа што Меган Маркл и принцот Хари ја претставија ќеркичката Лилибет Дајана, која речиси и да не ја прикажале во изминатите четири години, откако е родена.

И веќе на прв поглед впечатливо е дека татковите гени „победиле“. Тоа го открива нејзината портокалова коса, карактеристика што ја наследила од татко ѝ, принцот Хари.

„Колку ја сакам бојата на косата на Лилибет“, „Нејзината коса е прекрасна“, коментираат на мрежата „X“.

Интересно е, но и интригантно, што бојата на косата на принц Хари се наведувала како доказ дека кралот Чарлс III не е негов биолошки татко, туку дека тој е син на Џејмс Хјуит, инструктор по јавање, со кого принцезата Дајана била во врска пет години. Косата била еден од „доказите“, како и другите детали од таа романса.

Сепак, мистеријата од кого Хари ја наследил бојата на косата ја решила фотографија од неговиот дедо, принц Филип, на која принцот е пресликан сопругот на Елизабета II.

Меган Маркл постојано истакнувала колку ја сака косата на својот сопруг, па дури носеше и модели на фустани со назив „Ginger“. На претходните фотографии од малата Лилибет исто така било забележливо дека ја наследила бојата на косата од татко ѝ, а како што расте, тоа станува сè поизразено. Арчи овојпат бил во втор план, а и тој претходно бил портокалов на некои фотографии, но со време станал повеќе налик на мајка си.

Лилибет Дајана името го добила по бабата и прабабата

Меган Маркл и принцот Хари ѝ го дале името на ќерката во чест на кралицата Елизабета II, која во детството ја викале Лилибет, и во чест на мајката на Хари, принцезата Дајана. А таа одлука била иницијатор за вистински скандал.

Книгата „Charles III: Новиот крал, новиот двор. Внатрешната приказна“ од Роберт Хардман, од која делови во 2024 година објави „Daily Mail“, открила уште еден скандал во британскиот двор (како да немало доволно).

Поранешна асистентка на кралицата изјавила дека Елизабета била „лутa како никогаш во животот“ кога слушнала дека Меган Маркл и принц Хари рекле дека никогаш не би ѝ го дале на ќерката името Лилибет доколку немале поддршка од кралицата, се наведува во книгата „Charles III: Новиот крал, новиот двор. Внатрешната приказна“ од Роберт Хардман, објавена во 2024 година.

Познатиот пар им наредил на своите адвокати од фирмата „Schillings“ да им пишуваат на медиумите и издавачите, а најмногу на „BBC“, бидејќи тврдењата дека не ја прашале кралицата за дозвола се чиста клевета. Кога Меган и Хари стапиле во контакт со Бакингамската палата за да ја поддржи нивната верзија на приказната, тоа нивно барање било одбиено, се наведува во книгата.

Авторот разговарал со членови на кралското семејство, пријатели, како и со сегашен и поранешен персонал на палатата.

Елизабета не можела правилно да го изговори своето име кога била мала, па оттаму произлегол прекарот Лилибет – така ја викале нејзиниот татко, кралот Џорџ VI, кралицата мајка, сестра ѝ Мери и сопругот Филип.

„BBC“ пишуваше дека Меган и Хари не ја прашале кралицата за дозвола, додека други медиуми наведуваа дека прашањето навистина било поставено, но дека положбата на Елизабета била таква што таа не можела да каже „не“.

„Војводата разговараше со своето семејство пред објавата за името – всушност, неговата баба беше првиот член од семејството што ја повика. За време на тој разговор ја сподели нивната надеж дека ќе ја наречат ќерката Лилибет, во нејзина чест. Ако немало поддршка, немаше да го користат тоа име“, изјавил портпаролот на Меган и Хари.

Некои истакнуваат дека е многу интересно што Хари не пишувал за тоа во своите мемоари „Spare“.

Лилибет и Арчи всушност не постојат?

Меган и Хари исклучително ретко ги прикажувале своите деца во јавноста и најчесто ги кријат нивните лица, и додека за некои тоа е сосема правилно, други во тоа гледаат плодна почва за теории на заговор и тврдат дека децата всушност не постојат, па дека познатиот пар ангажира статисти да им глумат ќерка и син.

Како доказ наведуваат и фотографии од Меган и Хари со децата (каде што малите најчесто се свртени со грб), на кои Арчи и Лилибет изгледаат чудно, односно од слика до слика како да се прикажуваат различно момче и девојче.

Имаше доста сомнежи и околу втората бременост на војвотката, па наводно Лилибет била родена од сурогат мајка.

Неостварената желба на Елизабета II

Познато е дека кралицата Елизабета II многу страдала што не ги гледа правнуците Арчи и Лилибет.

Мегзит и преселбата на Меган и Хари во Америка во 2020 година ја отежнале средбите на кралицата со правнуците, а „Daily Mail“ пишувал дека Елизабета II се трудела барем преку видео повици да ги гледа децата.

И кога повремено доаѓале во Британија, американската актерка и британскиот принц најчесто не ги носеле ќерката и синот на патување. Исклучок била прославата на Платинестиот јубилеј на кралицата во Лондон, кога Елизабета II конечно ја запознала Лилибет. Нејзината прва средба со Арчи се случила кратко по неговото раѓање во 2019 година во Портланд, а првата дружба била организирана во Виндзор.

Лилибет и Арчи по смртта на кралицата ја носат титулата принцеза и принц.