Сопругата на американскиот претседател споделила на кој начин го воспитува својот син, а на сите мајки им дала важни совети за родителството.

Првата дама на Америка, Меланија Трамп, со својот сопруг Доналд е во брак од 2005 година. Нивното семејство станало побогато за уште еден член во 2006 година кога го добиле синот Барон.

Во една прилика Меланија споделила неколку совети за родителството и ги потсетила мајките и татковците дека треба да одвојат време да ги „излекуваат“ своите рани за да не ги префрлаат своите „трауми и проблеми“ на нивните деца.

Коментирајќи како сега младите мајки ги одгледуваат децата во ова општество, Меланија дала неколку топли совети.

Набљудувајте ги како индивидуи и бидете полни со љубов

Поранешната манекенка рекла дека родителите секогаш треба да ги „водат“ децата со љубов и да ги набљудуваат како посебни индивидуи.

„Сите сме различни, бидете внимателни и бидете полни со љубов“, раскажала Меланија.

Меланија Трамп за односот со синот Барон

Таа признала дека го отфрлила концептот „строго родителство“ и дека сака себеси да се опишува како „фер“ родител којшто на синот Барон му всадува вредности и традиција, но не сака да го смени.

„Фер сум. Му дозволувам да биде она што е. Тој е мое дете. Но, не сакам да го менувам“, изјавила Меланија и додала:

„Тој е таков каков што е, а јас се обидувам во животот да му всадам традиција, вредности и морал. Но, не се обидувам да го сменам. Ми се допаѓа што има свое да и свое не“.

Одвојте време за себе

Како што пренесува „Daily Mail“, Меланија Трамп исто така ја нагласува важноста за одвојување време за себе.

„Исто така, погрижете се сите вие, како мајки, да сте излекувани за да не ги префрлате траумите на вашите деца“, додала таа.

Меланија претходно говорела за неверојатната количина сила и трпение која е потребна за одгледување дете.

Величествена врска меѓу мајка и дете

„Како мајка, знам што е потребно за одгледување дете. Потребна е неверојатна количина сила, многу време, великодушно трпение и сета наша љубов“, рекла таа во текот на говорот на Денот на мајката.

„Како мајки, неверојатно сме привилегирани што можеме да донесеме деца на овој свет и да бидеме дел од тоа да им помогнеме да растат“, истакнала таа.

„Поради моќната врска меѓу мајката и нејзиното дете, нивните емоции и ние ги чувствуваме, без оглед на тоа дали сме среќни или нервозни, тажни или возбудени. Ги чувствуваме. Мислам дека тоа е еден од најмоќните и најубави делови на мајчинството“.