Лара Сантини, четирикратна светска шампионка и 17 пати национална првенка, важи за најубавата бодибилдерка на светот.
Оваа Хрватка, која многумина ја нарекуваат и „најсилната жена на светот“, е вистински гордост на Хрватска кога станува збор за бодибилдинг сцената.
Во моментов Лара студира во Загреб, а како што вели самата, не ѝ пречи тоа што бодибилдингот многумина сè уште го поврзуваат исклучиво со мажи.
„Отсекогаш ги гледав фотографиите на девојки кои се натпреваруваат и почнав да истражувам дали постои нешто слично во Хрватска. Имав малку слободно време и решив да се подготвам за натпревар. Едноставно сакав ново искуство“, изјавила Лара во едно интервју.
Поранешна гимнастичарка и атлетичарка, Сантини вели дека бодибилдингот луѓето често го поистоветуваат со машки изглед и грубост кај жените — но тоа, според неа, одамна не е вистина.
„Бидејќи сум мускулеста, луѓето очекуваат дека сум агресивна и нападна, а тоа е сосема спротивно од мојата природа. Но со тек на време се навикнуваш дека луѓето те гледаат низ такви предрасуди“, додава Лара.
Таа исто така нагласува дека никогаш не користела забранети супстанци за да ја зголеми мускулната маса, пренесува „Alo“.
