[ФОТО] Ким Кардашијан пристигна во Венеција и „го украде шоуто“: Во фустанот со детаљ за кој „сите“ зборуваат изгледаше спектакуларно

Една од оние кои никогаш не остануваат незабележани е секако Ким Кардашијан. Каде и да се појави, таа знае како да привлече внимание, било да е тоа со своите модни избори, став или едноставно – со својата појава.

Деновиве Кардашијан престојуваше во Рим со својата ќерка Норт Вест, а потоа се појави на аеродромот во Венеција, повторно предизвикувајќи воздишки и коментари со својот стајлинг. Нејзината модна комбинација покажа дека елеганцијата не мора да биде комплицирана и дека понекогаш деталите се тие што оставаат најголем впечаток.

Имено Ким беше забележана на аеродромот во Венеција, облечена во фустан кој особено ја истакна нејзината фигура.

Фустанот без ракави, со драпирани и асиметрични детали околу вратот, ги нагласи рамената, додека предниот прорез дискретно го откри торзото – истовремено задржувајќи ја елеганцијата со доза на мистичност.

Особено внимание привлече подигнатиот детаљ што наликува на качулка, кој на целата креација ѝ даде „haute couture“ ефект.

Овој фустан што го носеше Ким потсетува на гламурозните и авангардни креации на модната куќа Баленсијага – чие заштитно лице е токму таа.

Со фустанот, Кардашијан носеше класични црни шпицести потпетици, додека како единствен „моден додаток“ држеше лименка со пијалак.

Со својот изглед, Ким уште еднаш го потврди трендот на враќање кон црната боја, минимализмот со драматични детали, но исто така ја освежи идејата дека смелите модни парчиња можат да бидат лежерни и носливи дури и надвор од црвениот килим.