Кога воздухот ви изгледа неподнослив поради влажноста во летните денови, ретко дека ќе се решите за фармерки, но ако сте љубители на панталони, постои еден летен модел кој може да биде совршена алтернатива на фармерките.

Сè попопуларните панталони со балон ногавици се еден од трендовите што вреди да се испробаат во текот на летната сезона бидејќи се многу практични, лесни за комбинирање и навистина оставаат впечаток.

Силуетата инспирирана од балон се враќа повремено во текот на летото, исто како што пуфкастите ракави станаа белег на јулската и августовската мода.

Што се „бомбачо“ пантолони и како да ги комбинирате?

Еден модел особено се издвојува во последно време – панталони со висок струк, широки ногавици, во форма на балон, кои постепено се стеснуваат околу глуждовите, а понекогаш се завршуваат со декоративна лента или јамка.

 „Бомбачо“ пантолоните генерално се изработени од лесни ткаенини кои ѝ овозможуваат на кожата да дише при високи температури и се одлично решение ако сакате да ги нагласите обувките, без разлика дали станува збор за бели патики или за ефективни сандали, еспадрили или влечки. Динамични, полни со живот и удобни!

Тие се пософистицирани од шорцовите и бермудите, а кога се комбинираат со соодветни обувки, можат да изгледаат елегантно или полежерно, во зависност од тоа што сакате.

На пазарот се достапни различни модели, од минималистички до многу впечатливи, како поради дезенот или светлите бои, така и поради понекогаш претерано истакнатиот облик на балон.