Џенифер Анистон повторно е во центарот на вниманието поради гласините за новата романса.

Овојпат славната актерка била забележана во друштво на згодниот хипнотерапевт и животен тренер Џим Кертис, на луксузен одмор во Мајорка, пренесува „Daily Mail“.

Тие биле забележани како уживаат на сонцето, на прошетка и приватна забава на јахта, а особено внимание привлекло тоа што Џенифер својот нов пријател го запознала со блиските пријатели, вклучувајќи го и актерот Џејсон Бејтмен и неговата сопруга Аманда Анк.

Дали ја хипнотизирал?

Имено, Кертис себеси се опишува како „трансформациски тренер и хипнотерапевт“ и има околу 55.000 следбеници на Инстаграм, каде редовно објавува инспиративни цитати и „манифестации“ како би можеле луѓето да се ослободат од своето минато и обрасци и да најдат љубов.

Анистон го следи на социјалните мрежи веќе две години, а баш неодамна му лајкувала една објава која гласи:

„Повторете ги овие афирмации за да се излекувате и да закрепнете од развод, раскинување или тешки романси и започнете да привлекувате нова, охрабрувачка и божествена љубов“.