Бали е дестинација од соништата за многумина. Овој индонезиски остров се гордее со прекрасни плажи, кристално чиста вода, бујна вегетација и неверојатна кујна.
Сепак, со оглед на тоа дека се работи за далечна дестинација, за да ја посетите ќе мора да издвоите поголема сума пари.
Меѓутоа добрата вест е што дестинации со слични карактеристики можат да се најдат и во Европа, но по многу попристапни цени. На пример, во Шпанија има место кое некои го нарекуваат Европско Бали.
Инфлуенсерите на социјалните мрежи тврдат дека Тарифа има слична атмосфера како Бали – го нарекуваат тропски рај иако се наоѓа во Европа. Покрај тоа, се наоѓа на југот на Шпанија во покраината Кадиз и е оддалеченo само околу 14 километри од мароканскиот брег.
Географски, Тарифа е најјужната точка на континентална Европа – се наоѓа на атлантскиот брег, но е исто така блиску до Гибралтарскиот Проток каде што Атлантикот се среќава со Средоземното Море – идеално место за набљудување китови и делфини.
Оваа специфична географска положба ја направи Тарифа идеално место за сурфање, особено за кајтсурфери и виндсурфери. Доколку сте обожаватели на сурфањето, не заборавајте да ги посетите Плаја де Валдевакерос и Плаја Лос Лансес.
По еден ден поминат на брановите, најдобро е да се упатите кон еден од многуте барови на плажа, кои служат коктели по пристапни цени. За време на „happy hours“, коктелите на плажата во Тарифа може да купат за само 3 евра.
Поради својата специфична географска положба, Тарифа со векови била стратешка точка помеѓу Европа и Африка, што го потврдуваат нејзините тврдини, бедеми, цркви и бројни други згради, така што вреди да се посети и истражи богатата историја на овој град во јужна Шпанија.
