За овој колач ќе ви бидат потребни малини, но може да користите и други видови овошје, како што се јагоди и боровинки.

Состојки:

120 грама пишкоти

200 мл млеко

120 грама гриз

100 грама шеќер

едно јајце

две кесички ванилин шеќер

600 милилитри млеко

250 грама путер

300 грама малини

За декорација:

200 грама шлаг од кесичка

400 милилитри млеко

Подготовка:

За почеток, во сад истурете 200 милилитри млеко па додадете гриз, едно јајце, шеќер и ванилин шеќер и матете. Во тенџере истурете 600 милилитри млеко и варете на тивок оган. Кога млекото ќе зоврие, истурете ја смесата со гриз и варете додека да се згусне.

Префрлете ја смесата во сад, покријте ја со пластична фолија и оставете да се излади. Потоа, изматете ја смесата и додадете го путерот на собна температура и повторно изматете. Земете ги пишкотите и малку потопете ги во млеко, а потоа наредете ги во калапот. Поделете ја смесата на два дела и со едниот дел премачкајте ги пишкотите.

Потоа додадете ги малините и премачкајте со остатокот од смесата. Оставете го колачот во фрижидер неколку часа за да се соединат состојките, а потоа изматете го шлагот со млеко според упатствата од кесичката. Премачкајте го колачот со шлагот и декорирајте по желба.

Извор: Aurora Recepti