Она што го прави овој рецепт посебен не е само лесната подготовка, туку и употребата на спелтино брашно, кое е понежно за желудникот и им дава на палачинките блага оревеста нота. А кога на тоа ќе додадете домашен џем или омилен крем, ќе добиете вистинска сласт за душата. Еве како се подготвуваат најлесните палачинки досега!

Рецептот го пронајдовме на ТикТок каналот @babydishventure.

Рецепт за палачинки „сè по 4“

Потребно е:

• 4 јајца;

• 4 лажици шеќер;

• 4 лажици масло;

• 400 мл млеко;

• 4 лажици спелтино брашно (или по избор).

Подготовка:

• Изматете ги јајцата со прстофат сол (и една лажица шеќер ако сакате палачинките да бидат благо слатки). Додајте го маслото, млекото и киселата вода.

• Постепено додавајте го брашното со постојано мешање – најлесно е со миксер, за да избегнете грутки. Оставете ја смесата да одмори 10–15 минути.

Печете ги палачинките на малку путер во добро загреана тава, од двете страни додека не добијат златно-кафена боја.