Наместо големи гестови, оние малите прават голема разлика.

Истражувањата покажуваат дека таквите навики не само што ја јакнат емоционалната врска меѓу мајката и децата туку позитивно влијаат и врз развојот на децата, менталното здравје и чувството на сигурност.

Во продолжение на текстот истакнати се три клучни навики кои биле идентификувани кај мајките кои вистински ги сакаат и разбираат своите деца.

Активно слушање

Мајките кои искрено ги сакаат своите деца не ги прекинуваат додека зборуваат и не брзаат да им дадат совет туку им даваат простор да ги изразат своите мисли и чувства.

Иако многу од родителите веруваат дека знаат што е најдобро за нивните деца, токму оваа постапка може да доведе до чувство на неразбирање и осаменост кај децата.

Студија од 2022 година покажала дека чувството на несфатеност може да го зголеми нивото на стрес и да го намали задоволството во животот и мотивацијата. Кога мајката слуша со отворен ум, без предрасуди и заклучоци, децата чувствуваат почит и блискост, а токму тоа е тоа што создава основа за цврста и здрава врска.

Ја поттикнуваат независноста, но секогаш се достапни

Иако многу од родителите сакаат да ги заштитат своите деца, важно е да им дадете простор да откријат кои се и што сакаат. Мајките кои вистински ги сакаат своите деца ја препознаваат вредноста на независност и знаат кога треба да се повлечат. Тоа не значи да се откажат, напротив, секогаш се тука за детето кога им се потребни.

Според студиите, намалувањето на автономијата над децата има врска со порастот на проблеми во менталното здравје, вклучувајќи и анксиозност и депресија. Допуштајќи слободно да носат одлуки, како што е избор на пријатели, поставување лични граници или избор на идна кариера, мајките покажуваат доверба која нивните деца ја чувствуваат и ја вреднуваат.

Признаваат кога грешат и се извинуваат

Извинувањето не е секогаш лесно, особено кога вклучува повреда на детските соништа. Сепак, мајките кои не се плашат да ја признаат грешката и велат „извини“ покажуваат емоционална зрелост и длабока љубов кон своето дете.

Многу од родителите растеле во средина во која возрасните не ги признавале грешките затоа што се верувало дека „родителите секогаш знаат најдобро“.

Но, како што покажува една студија, луѓето често одбиваат да се извинат за да ја заштитат својата самопочит и чувство на контрола. Мајките кои се подготвени да преземат одговорност и искрено да се извинат, на децата им праќаат моќна порака, дека е во ред да грешат, но и дека важно е да ја препознаете сопствената одговорност.