[ВИДЕО] Трик од кујната: Со овој метод на загревање, вашата пица ќе ја задржи препознатливата крцкава кора и сочниот кашкавал

Имено, готвачот Дом Мелиер сподели трик што ќе ви помогне вашата пица да има подеднакво добар вкус по повторното загревање. Тој вели дека ова е единствениот начин кората да остане крцкава, а кашкавалот и другите состојки да бидат сочни.

Мелиер вели дека најдобро е да се користи тава и шпорет наместо чинија и микробранова печка.

„Земете го вашето парче пица и земете голема тава со капак и загрејте ја“, рекол тој.

Тој објасни дека вообичаениот метод на загревање во микробранова печка не функционира бидејќи пицата останува цврста, а загревањето во рерна исто така не помага бидејќи станува премногу крцкава.

Неговиот метод вклучува загревање на тавата, а потоа ставање едно парче внатре без масло или путер.

По загревање од 30 секунди до една минута, истурете мала количина вода во тавата и намалете ја температурата. Потоа, ќе го ставите капакот на тавата и ќе оставите сè да се топли на пареа.

Ако ја оставите пицата уште три или четири минути, кашкавалот треба да стане прекрасно леплив, давајќи ѝ вкус на свежина на пицата како во ресторан. Овој трик не е толку брз како микробрановата печка, но дефинитивно е најдобриот начин за повторно загревање на остатоцте од пицата.