Ако некој праша зошто да му се заблагодариме на Никола Јокиќ што несебично го споделува ликот и делото на неговата ќерка со нас, неговите фанови и обожаватели, одговорот е едноставен – Огњена Јокиќ, иако има само четири години, секој пат нè разгалува со својата непосредност и детска разиграност. Русокосото девојче несомнено веќе ни ги освои срцата.

Сепак, натпреварите се единственото место каде што можеме да ја видиме наследничката во семејството Јокиќ, додека изгледот на синот, кој парот го доби во април минатата година, сè уште официјално не сме го запознале. Сите очекуваат тоа да се случи наскоро, со оглед на тоа дека првата средба на љубопитните фанови со Огњена била кога таа имала само една година.

Никола Јокиќ и едноставниот живот

И додека на теренот доминира како еден од најдобрите кошаркари на денешницата, Никола Јокиќ во приватниот живот избира сосема поинаков ритам – тишина, едноставност и семејна интимност. Далеку од светлата на рефлекторите, МВП на НБА лигата и центарот на Денвер Нагетс, стана татко на две деца и внимателно ја чува својата приватност – не бара внимание, но медиумите срдечно му го подаруваат.

Оженет е со Наталија Јокиќ (родена Маќешиќ), неговата долгогодишна партнерка од Сомбор. Нивната приказна започнала во тинејџерските денови, а Наталија остана покрај него и во подемите и во тишината на секојдневието. Тие се венчаа во 2020 година во Сомбор, по повеќе од една деценија врска. Инаку, Наталија во 2018 година магистрирала психологија на Универзитетот Метрополитен Стејт во Денвер, каде што дипломирала и на додипломски студии.

Татко на ќерка и син

Првото дете на Никола и Наталија Јокиќ, ќерката Огњена, родена е во август 2021 година. Нејзините родители го откриле нејзиното име дискретно, без медиумска помпа. За време на прославата на титулата во Денвер Нагетс во јуни 2023 година, Огњена се појави во прегратките на српскиот најодликуван кошаркар, што дотогаш беше еден од ретките моменти кога семејството Јокиќ се појавиле пред камерите.

Во април 2024 година семејството се прошири – Никола и Наталија добија син. Деталите, вклучително и името, не се објавени, во согласност со нивната долгогодишна практика да го држат својот приватен живот подалеку од очите на јавноста – колку што е можно повеќе. Информацијата ја потврдија домашните и американските медиуми откако Јокиќ неколку дена отсуствуваше од терените од „лични причини“.

Иако ретко зборува за семејството, Јокиќ во неколку наврати нагласи колку му значи времето поминато со најблиските.

„Кошарката не е најважната работа во мојот живот. Тоа е нешто во што сум добар. Но, семејството е најважно“, изјавил Јокиќ за „NBA Today“ откако за првпат стана татко.

Наталија, пак, почесто објавува фотографии од нивната галеничка, а токму тука гледаме колку присуството на семејството го ослободува од притисокот и го мотивира за извонредни настапи и потези на теренот.