Социјалните мрежи станаа место за автомобилски признанија, особено кога станува збор за лоши искуства на сопствениците и механичарите. И покрај тоа што многу клипови се полни со субјективни впечатоци, еден особено се истакна – затоа што не се потпира на мислења, туку на конкретни податоци од работилница.

Шервуд Кук Џуниор, механичар во реномираниот „Royalty Auto Service“ во Џорџија, сподели на ТикТок список со пет автомобили кои, според неговото искуство и сервисни рекорди, најмногу ги чинат возачите кога ќе се расипат.

Просечните сметки се движат меѓу 920 и 1.380 евра, а во посериозни случаи – многу повеќе. Еве кои модели ги вклучи во својата неславна листа:

5. Фолксваген: Навидум сигурен, но често истекува масло

Фолксваген е на петтото место, и тоа не без причина. Најчестите поплаки вклучуваат истекување на масло и електронски проблеми

4. БМВ: Луксуз кој се (скапо) платен

За сите оние кои ја сакаат динамиката на возење и препознатливиот германски инженеринг, BMW често е прв избор. Сепак, како што покажува практиката, високите перформанси се придружени со високи трошоци. Проблемите со истекувањето на маслото не се невообичаени, а поправките често надминуваат 1.500 евра – додека замена на менувач, или поправка на електронски дефекти може да достигне до 3.000 евра.

3. Рам пикап: американски гигант со огромни трошоци

Иако ретко се случува на балканските патишта, оние кои се одлучуваат да увезат камиони Рам (модели 1.500 и 3.500) често се соочуваат со предизвици – и логистички и финансиски. Недостигот од резервни делови и сервис доведува до санирање на дефекти по цени кои достигнуваат од 5.000 до дури 15.000 евра. И сето тоа со чекање и дополнителни компликации околу увозот на компоненти.

2. Land Rover: Симбол на луксуз, но и услужен кошмар

„Не знам ни од каде да почнам“, рече Кук кога стигна до Ленд Ровер. Овој британски бренд, иако е синоним за луксуз и престиж, меѓу механичарите е познат по сложените дефекти и скапите делови. Моделите како Discovery и Range Rover често бараат интервенции кои се движат од 1.500 до 5.000 евра, додека посериозните дефекти – како проблеми со воздушната суспензија – можат да надминат 10.000 евра.

1. Јагуар: Најскап меѓу скапите

На врвот на оваа не толку ласкава листа е „Jaguar“. Како сестринска марка на „Land Rover“, споделува многу технички карактеристики – и истите проблеми. Најчесто се расипуваат моторите, електрониката и системите за подмачкување, а просечната цена на сериозна услуга се движи од 1.500 до 4.000 евра. Кога ќе откажат ECU, менувачот или моторот, цената може да надмине 10.000 евра.

Многу сопственици, по неколку скапи интервенции, одлучуваат да се збогуваат со овие возила и да се насочат кон посигурни брендови – како „Subaru“, „Mazda“ или „Toyota“, кои се познати по својата издржливост и разумни трошоци за одржување.

Ако луксузот ви е поважен од практичноста, овие автомобили можеби се за вас. Меѓутоа, ако не сакате секоја посета на сервис да носи стрес – и удар по вашиот џеб – можеби ќе сакате да ги прескокнете овие брендови.