Доделени се наградите за изборот "World Car of the Year 2025" – погледнете кои се добитниците во различни категории.
За најдобар автомобил во светот за 2025 година е прогласена "Kia EV3", оставајќи зад себе модели како "BMW X3" и "Hyundai Inster".
За корејскиот производител ова е втора последователна победа на престижниот избор, а воедно и нова потврда за квалитетот на "EV3", кој претходно освои второ место на изборот за Европски автомобил на годината.
"Kia EV3" неодамна дебитираше и во Србија – повеќе за овој модел може да се прочита во посебен текст.
Кога станува збор за останатите категории, токму "Hyundai Inster" е прогласен за „најдобро електрично возило“.
Во категоријата „урбани автомобили“, победи "BYD Seagull". Овој автомобил, слично како и "Inster", припаѓа на A-сегментот, долг е 3.780 мм и во Кина се продава по цена нешто повисока од 10.000 евра.
За „Светски автомобилски дизајн на годината 2025“, наградата ја доби "Volkswagen ID. Buzz". Ова предизвика извесна збунетост, бидејќи електричниот комби постои на пазарот веќе неколку години. Во финалето го надмина новиот "Toyota Land Cruiser" и "Kia EV3".
Наградата за „Светски луксузен автомобил на годината“ ја понесе "Volvo EX90", голем електричен "SUV" со седум седишта.
Единствениот автомобил кој оваа година освои награда, а притоа не е целосно електричен, е "Porsche 911 GTS", кој е прогласен за „Светски спортски автомобил на 2025 година“. Станува збор за првиот хибриден модел од серијата 911, со комбинирана моќност од 539 коњски сили, пренесува "Autostart".
