Астрологијата вели дека некои хороскопски знаци едноставно не можат да молчат, па дури и најдоверливата информација може лесно да заврши во погрешни уши.

Некои зборуваат премногу од навика, други од желба да бидат во центарот на вниманието, а некои едноставно не ја препознаваат тежината на тоа што им го кажувате. Еве кои хороскопски знаци важат за најголеми озборувачи и зошто треба да бидете внимателни што им кажувате.

Близнаци

Близнаците едноставно не можат да молчат. За нив, секоја информација е како нова тема за разговор. Не ја пренесуваат тајната за да ве повредат, туку повеќе од потреба да го исполнат муабетот со нешто интересно. Многу лесно може да се случи вашата тајна да ја чуе и некој сосема неповрзан.

Стрелец

Стрелецот е отворен и зборлест. Тој не сака да чува тајни бидејќи не ги доживува како нешто сериозно. Често ќе сподели нешто што не требало да го каже, мислејќи дека прави муабет од шега или забава. Ако атмосферата е опуштена и се наздравува, вашата тајна лесно може да стане дел од приказната.

Вага

Вагите се дружељубиви и сакаат да бидат прифатени од сите. Понекогаш тоа значи дека ќе споделат нешто што им било кажано во доверба, само за да останат интересни во разговор. Често ќе додадат: „Само немој да кажеш дека јас ти реков.“

Овен

Овенот не сака да озборува, но ако се налути или е под притисок, ќе го каже тоа што му лежи на срце – без многу размислување. Во моменти на бес, тајните може да му избегаат како дел од некој импулсивен одговор, по што обично вели: „Па, тоа е вистина.“

Водолија

Водолијата е љубопитна и сака да споделува сè што ѝ се чини интересно. Ако смета дека вашата тајна е премногу „обична“, може да ја раскаже како анегдота, мислејќи дека не прави ништо лошо. Но ако е нешто невообичаено, тогаш можеби ќе ја сочува – за себе или за некој слично настроен.

Девица

Девицата делува како сигурна личност за доверба, сè додека односот меѓу вас е добар. Но ако се скарате или се оддалечите, може одеднаш да се потсети на сè што некогаш премолчела. Девицата анализира и памети – па знае што и кога да каже, ако почувствува потреба.

Јарец

Јарецот не ги открива тајните лесно. Но ако почувствува дека му треба некој адут во ракав, ќе знае како и кога да го употреби тоа што го знае. За него, тајната е информација што може да му биде од корист, но ретко ја користи без причина.