Ова необично растение воодушевува не само со своите прекрасни цветови, туку и со својата неверојатна издржливост – речиси самата се одржува, а во истовремено изгледа како декорација од бајките.

Пустинска роза – егзотична убавина без многу напор

За разлика од класичните сукуленти кои изгледаат остро и бодликаво, пустинската роза (Adenium obesum) носи нежна, но силна убавина. Потекнува од пустинските региони на Африка, Арабија и Јужна Америка и припаѓа на семејството олеандери. Позната е по своето необично дебело стебло кое наликува на бонсаи, како и по своите цвеќиња во светли бои кои оставаат без здив.

Под идеални услови, може да процути веќе по осум месеци, иако ова најчесто се случува во втората или третата година. Меѓутоа, важно е да се знае дека растението лачи млечен сок кој е отровен – затоа чувајте го подалеку од дофат на деца и домашни миленици.

Како се негува?

Пустинската роза сака многу природна светлина – идеално 5 до 8 часа дневно. Сепак, во лето ѝ треба малку сенка за сонцето да не ги оштети лисјата.

Наводнувањето треба да се приспособи на сезоната: во зима е доволно еднаш на секои 10 дена, додека во лето треба да се наводнува на секои 3-4 дена. Пред ѓубрење, почвата мора малку да се навлажни, а ѓубрењето се препорачува на секои две недели, со препарати богати со железо, фосфор и магнезиум.

Декорација што плени и разубавува

Пустинската роза е идеална за оние кои сакаат растение кое изгледа луксузно и не бара премногу внимание.

Со минимална грижа, тоа ќе стане централна декорација на вашиот балкон или градина – вистинско цветно богатство кое ги освојува и окото и душата.