Тие се идеални за оние денови кога сакате нешто домашно, топло и вкусно – без многу стоење во кујната.

Состојки:

Тесто:

500 грама брашно

20 г квасец

2 лажички шеќер

1 лажичка сол

250 мл млеко

50 мл вода

6 лажици масло

Дополнително

1 жолчка од јајце

Подготовка:

Активирајте го квасецот

Ставете 50 мл млака вода во сад, додадете квасец и шеќер. Промешајте и оставете 5-10 минути за квасецот да се активира.

Направете го тестото

Ставете брашно и сол во поголем сад. Промешајте и додадете го активираниот квасец, млакото млеко и маслото. Месете го тестото – прво со лажица или миксер, потоа рачно додека да стане мазно и еластично (околу 8-10 минути).

Оставете го да отстои

Покријте го тестото со крпа и оставете го на топло место да нарасне 45-60 минути, додека да се дуплира во волумен.

Обликувајте ги кифличките

Поделете го тестото на два дела. Секој дел развлечете го во круг со дебелина од околу половина центиметар. Исечете на триаголници, ставете фил по желба и завиткајте ги кифличките од поширокиот кон потесниот крај.

Оставете ги да отстојат

Наредете ги кифличките во тепсија обложена со хартија за печење, покријте ги со крпа и оставете ги уште 15-20 минути да нараснат.

Потоа, премачкајте ги со жолчка од јајце и печете ги во претходно загреана рерна на 180 степени околу 20 минути, додека да добијат златно-кафеава боја.