Во овој ден се воздржуваме од веселба, музика, работа и мрсна храна. Наместо тоа, трпезата треба да биде скромна и посна.

Во продолжение ви претставуваме автентични рецепти од монасите од Света Гора — едноставни, но полни со вкус, подготвени со љубов и смирение.

Печени пиперки

Состојки:

• 10 пиперки

• маргарин или посно масло

• трошки

• брашно

• сол и бел бибер

Подготовка:

Испечете ги пиперките, излупете ги и оставете ги да се исцедат. Посолете. Потоа извалкајте ги во брашно, па во растопен маргарин, и на крај во трошки. Наредете ги во подмачкан сад и запечете ги 10 минути. Посипете со бел бибер и послужете ги топли или ладни.

Сушени полнети пиперки (со ориз или грав)

Состојки:

• 10 сушени црвени пиперки

• 200 г грав или ориз

• 3 чешниња лук

• масло

• мелен пипер

• сол и бибер

• нане

• 50 г мелени семки или јаткасти плодови

Подготовка:

Гравот сварете го (или оризот), додајте пропржен кромид со зачините, лукот и јаткастите плодови. Наполнете ги пиперките, наредете во сад, прелијте со масло и запечете. Одлични се и ладни.

Супа од целер и компири

Состојки:

• 1 чаша ситно сечкан целер

• 1 чаша компири

• ½ кромид

• 2 лажици маслиново масло

• 1 лажица брашно

• ½ лажичка мелен пипер

• сол, бибер, сок од лимон

• свеж праз или целер лист

Подготовка:

Компирите и целерот сварете ги заедно. Во друг сад пропржете брашно со пипер и додадете го во супата. Завршете со лимон и свежи листови од праз.

Грав

Состојки:

• 400 г грав

• 400 г кромид

• ¼ литар масло

• сушена пиперка

• мелена пиперка

• нане, сол и бибер

Подготовка:

Гравот сварете го (менувајќи ја првата вода). Кромидот испржете го со зачините. Измешајте го со гравот, наредете во сад и печете. Може да се додадат и прстени од домати или печени пиперки одозгора.

Крап печен во рерна

Состојки:

• 1 кг крап

• 3 чешниња лук

• 1 кромид

• масло, сол, мелен пипер

• 1 лажица брашно

Подготовка:

Крапот исчистете го, посолете го и наполнете го со парчиња лук. Наредете го врз кромид во подмачкан сад. Направете смеса од брашно, пипер и масло и прелијте. Печете во рерна додека не порумени.

Пржена пастрмка

Состојки:

• 5 пастрмки

• 6 лажици брашно

• 3 лажици масло

• лимон

• магдонос

Подготовка:

Посолете ја рибата, извалкајте во брашно и пржете додека не добие златна боја. Послужете со лимон и свеж магдонос.

Салата од леќа

Состојки:

• 200 г леќа

• ½ дл масло

• 1 домат

• 1 главица кромид

• магдонос

• сол и бибер

Подготовка:

Сварете ја леќата, изладете ја и зачинете ја со масло, кромид, домат и магдонос. По желба додадете и оцет.