Клиничките психолози ги објаснуваат петте најчести лаги во кои луѓето веруваат за себе, а кои произлегуваат од растењето во нездрава средина.

„Никој не може да ме сака бидејќи сум непривлечен/а“

Ова е голема лага која обично се појавува поради начинот на кој едниот родител се однесувал кон другиот, негативната слика за телото што ја имал родителот или отфрлањето од врсниците во детството. Реалноста е сосема поинаква, дури иако повеќе не бидете привлечни за вашиот партнер, тоа не значи дека никој друг нема да ве смета за привлечна личност. Во светот на онлајн запознавањето, со сигурност постои некој кој ќе ве смета за совршен партнер.

„Јас сум лош родител“

Ако не го злоупотребувате или намерно го запоставувате вашето дете, не сте лош родител. Дури и луѓето кои намерно им наштетуваат на другите често имаат тешки искуства од детството. Затоа, чувството дека сте „лош родител“ веројатно доаѓа од чувството на срам што ви е всадено уште во детството.

„Јас сум глупав/а“

Кој ви го кажал ова, родител, брат, сестра или учител? Да сте имале поинакво искуство додека растевте, денес би го гледале вашето минато низ призмата на интелигенција, креативност и снаодливост. Вашиот мозок научил да ве гледа низ негативна призма, но тоа не значи дека сте навистина глупави или неспособни.

„Никој не ме сака“

Ако мислите дека никој не ве сака, обично причината е само една: не се обидувате да запознавате нови луѓе затоа што сте убедени дека нема да ве прифатат. Поради раните искуства, верувате во оваа невистина, но во реалноста постојат бројни можности за нови пријателства, било онлајн или преку заеднички активности како што се волонтирање, спортување или друго хоби.

„Сите други се подобри од мене“

Ова верување обично доаѓа од семејство во кое можеби сте биле помалку омиленото дете или сте биле сведоци на тоа како еден родител го понижува другиот. Ова е уште една невистина што ви ја наметнува мозокот, а никако објективна реалност.

Депресијата, ниската самодоверба и чувството на инфериорност се исклучително болни состојби. Ако се препознаете во некое од овие верувања, можно е да се борите со депресија или да криете многу тага во себе поради нездравото детство. Важно е да се разбере дека никој не заслужува да живее заробен во сопствените негативни мисли, а доколку чувствувате дека овие проблеми влијаат врз квалитетот на вашиот живот, побарајте помош од терапевт.