[ФОТО] Еминем стана дедо: Неговата ќерка Хејли роди момче, а поради овој нејзин потег славниот рапер „пука“ од гордост и нежност

Хејли на својот инстаграм профил-објави фотографии од новороденчето, облечено во плетена дуксерка, пред дрвен знак со неговото целосно име: Елиот Маршал Меклинток. Средното име, Маршал, го носи по својот дедо, чиешто вистинско име е Маршал Брус Матерс Трети.

Фановите веднаш забележаа и една интересна игра на зборови – иницијалите на бебето се E.M.M., што асоцира на славното уметничко име на неговиот дедо – Еминем.

Во последната епизода од третата сезона на нејзиниот поткаст, објавена на 28 февруари, Хејли зборуваше за чувството да станеш родител.

„Толку чудно е да се размислува за тоа … не можам ни да го сфатам целосно. Треба да го запознаам ова човече што го создадов. Како ќе изгледа? Каков ќе му биде карактерот? Чудно е, но многу возбудливо“.

Таа постојано ги известуваше своите следбеници за текот на бременоста со фотографии и искрени објави.

„Толку блиску до запознавање со момчето“, напиша под една од нив, а за Нова година сподели: „Следната година во ова време, сè ќе изгледа поразлично и не можеме да дочекаме“.

Иако бременоста главно ја држела во тајност, таа и нејзиниот сопруг споделиле неколку информации додека Хејли била во блажена состојба, вклучително и како изгледа градинката на нивното идно бебе во октомври 2024 година. Тогаш, откриле дека очекуваат момче во епизодата „Just a Little Shadi“, по зборивите на Хејли нејзината „омилена епизода“ од претходната сезона.

За време на поткастот, Хејли подигнала балон и го објавила полот на бебето додека околу неа пукале сини конфети.

„Кога дознавме, Еван искоментира: „Тој ќе оди на голф со мене. Имам мал пријател“, изјавила ќерката на Еминем.

Раперот открил и дека е возбуден што ќе стане дедо. Во октомври 2024 година, Еминем објави трогателно музичко видео за неговата песна „Temporary“, во кое биле прикажани десетици стари домашни видеа на неговата ќерка. Кон крајот на видеото, гордиот татко споделил видео од неговата ќерка која му открила дека го чека своето прво бебе со сопругот.

Инфлуенсерката и подкастерката му подарила на татко си син фудбалски дрес на кој пишувало „Дедо“ и бројот 1, како и слика од ултразвук. Еминем се расплакал кога ја слушна оваа убава вест.

Да потсетиме, Еминем стана татко во 1995 година. Тогаш тој откри дека доаѓањето на неговата ќерка во неговиот живот било „вистински повик за будење“ за него.

„Таа ме натера да направам нешто од мојот живот и да пробам 10 квадрилиони пати потешки работи од порано. Сè што правам сега е за Хејли … Парите, тоа се за нејзиниот факултет“, рекол тогаш гордиот татко, а сега, сигурни сме, подеднакво горд дедо.