Постарите генерации сè уште се сеќаваат на вкусните задоволства што ги подготвувале нивните баби и мајки. Речиси секоја куќа во Југославија мирисала на овие три слатки задоволства кои се приготвуваат брзо и за кои се потребни само неколку состојки.
Состојки: 100 грама ориз
750 мл млеко
4-5 лажици шеќер
прстофат сол
Начин на подготовка: Оризот варете го во вода околу три минути, па исцедете го. Во млекото сипете сол и ставете го на оган да зоврие. Додадете го оризот и варете на тивок оган додека оризот не го впие млекото, не мешајте.
Во сварениот ориз додадете шеќер и внимателно измешајте за зрната да останат цели.
Состојки: 4 јајца (одвоени жолчка и белка)
100 гр шеќер
околу 2 литри млеко
1,5 лажица брашно (или густин)
1 лажичка екстракт од ванила
2 кесички ванилин шеќер
Подготовка: Со миксер изматете ги белките во тврда смеса. Во подлабоко тенџере сипете го млекото и додадете екстракт од ванила и оставете да зоврие. Кога млекото ќе зоврие, намалете ја температурата, па со лажица извадете ги изматените белки и внимателно спуштајте ги во врелото млеко.
Шненоклите се варат по 1,5 минути од секоја страна, па се вадат од млекото и се редат во чинии.
Изматете ги жолчките и шеќерот, па додајте во смесата густин или брашно и 2 лажици млеко во кое се вареле шененоклите и сè убаво измешајте. Млекото во кое се вареле шненоклите повторно ставете го да врие, а намалете ја температурата. Полека додавајте ја смесата со жолчките со постојано мешање и сè заедно варете додека да се згусне.
Кога смесата ќе се згусне, тргнете ја од оган и оставете малку да се излади. Кога преливот ќе се излади, прелијте го врз шененоклите. Колачот чувајте го во фрижидер.
Состојки: 5 јајца
13 лажици шеќер
10 лажици гриз
1 литар млеко
2 ванилин шеќери
Подготовка: Одвојте ги белките од жолчките, па изматете ги белките во цврст снег. Во белките додадете 10 лажици шеќер, па изматете уште малку. Потоа додадете ги жолчките и гризот полека мешајќи со миксер на најмала брзина. Плехот за печење посипете го со гриз, па истурете ја смесата и печете на 200 степени 20 минути. Кохот е печен кога ќе порумени и ќе почне да се одвојува од рабовите на плехот.
Додека се пече кохот, сварете го млекото со 3 лажици шеќер и ванилин шеќер. Ако сакате кохот да биде посочен, користете литар и пол млеко и додадете уште 3 лажици шеќер.
Испечениот кох прелијте го полека со топло млеко користејќи црпалка (никако не сипете го целото млекот одеднаш). Колачот послужете го кога целосно ќе се излади и ќе го впие целото млеко.
