Ванда Нара, која многумина ја сметаат за најубава и највлијателна фудбалска менаџерка, и нејзиниот сопруг фудбалер Мауро Икарди, се соочуваат со правна битка за поделба на имотот и старателство над децата.
Икарди се надева дека ќе го добие судењето, откако ја обвинил својата поранешна партнерка за неверство, а во судот изнел листа со имиња од мажи за кои тврди дека го изневерувала со нив.
Како што пренесува „Tribuna.com“, на списокот е името на Л-Ганте, раперот со кој Ванда наводно била во врска откако раскина со Икарди, како и фудбалерите Кеита Балде и Федерико Фасија.
Како и во случајот со Л-Ганте, Ванда признала дека имала врска со Кеита Балде, но само додека била разделена од Мауро. Што се однесува до Федерико Фасија, Ванда тврди дека никогаш не го ни запознала.
„Не го познавам, тоа е лага. Ова е прв пат да го видам неговото лице. Со тоа ќе се занимава мојот адвокат“, изјавила Ванда, според споменатиот извор.
Покрај децата, познато е дека таа барала и по половина милион евра месечна алиментација за нивните две заеднички ќерки (девет и осум години), но тоа не е сè. Ванда, исто така, сака сопственост на две вили кои парот ги купил за време на нивниот брак, а кои вредат неколку милиони евра – едната во Милано, каде што живееле кога Мауро Икарди играл за Интер, а другата на брегот на езерото Комо.
