Највкусните посни болоњезе тестенини со црвена леќа

Состојки:

• 1 ½ лажица маслиново масло

• 1 поголем кромид, исечкан на коцки

• 4 чешниња лук, ситно сецкани

• 1 лажичка суво оригано

• 1 лажичка сува мајчина душица

• 1 ½ лажичка сол, плус повеќе по вкус

• Бибер по вкус

• 150 гр доматен сос

• 120 мл суво црвено вино

• 720 мл супа од зеленчук

• 185 гр црвена леќа, натопена

• 35 гр ореви, ситно сецкани

• 410 гр пелата

• 400 гр таљатели

• 1 лажица балсамико оцет

• Магдонос или босилек за декорација

• За најдобар вкус на доматите, користете цели излупени домати и издробете ги со рака.

• Ако немате балсамико оцет, заменете го со 1-2 лажички шеќер (кафеав, кокос или шеќер од трска). Додадете само 1 лажичка, а потоа вкусете и додадете уште по потреба.

Рецепт за посни болоњезе тестенини:

1. За да направите тестенини со леќа, прво потопете ја леќата во вода 30-60 минути. Во меѓувреме, подгответе ги сите останати состојки – исечкајте ги кромидот и лукот, исечкајте ги оревите итн.

2. Загрејте длабока тава на силен оган. Додадете маслиново масло, а кога ќе се загрее, додадете го кромидот и зачинете со прстофат сол. Повремено мешајте и пропржете го кромидот, околу 5 минути.

3. Додадете неколку лажици вода и промешајте. Продолжете со пржење на кромидот, додавајќи повеќе вода на секои неколку минути и често мешајќи за да не изгори, додека кромидот не омекне и порумени, околу 9-10 минути.

4. Додадете лук, мајчина душица, оригано, сол и бибер по вкус. Мешајте често и чекајте смесата да зоврие околу 60-90 секунди.

5. Промешајте го и доматниот сос и варете 2-3 минути да се карамелизира со често мешање додека не добие потемна црвена боја.

6. Ако користите црвено вино, истурете го во тавата и одглазирајте. Гответе 1-2 минути, додека не испари мирисот на алкохол и смесата не стане слична на џем.

7. Истурете ја супата од зеленчук и измешајте. Додадете леќа и ореви и промешајте. Загрејте додека смесата не зоврие, а потоа намалете ја топлината на минимум и динстајте 20 минути, повремено мешајќи.

8. Додадете ги излупените домати и динстајте уште 15-20 минути или додека леќата не омекне, повремено мешајќи за да не изгори.

9. Во меѓувреме, варете ги тестенините до ал денте. Одделете една лажичка вода од готвењето на тестенините. Исцедете ги тестенините, но не ги плакнете.

10. Додадете балсамико оцет во болоњезе сосот и измешајте да се соедини. Додадете ги топлите сварени тестенини во болоњезе и измешајте, додавајќи ја резервираната вода доколку е потребно.

11. Украсете со сечкан магдонос или босилек. Уживајте!