Еден од таквите рецепти е посен колач на вода кој во народната традиција често се нарекува манастирски колач. Се подготвува брзо, состојките се лесно достапни, а резултатот е мек колач со убав мирис, кој потсетува на чоколаден колач. Многумина се изненадуваат кога ќе дознаат дека во тестото нема ниту јајца, ниту млеко.

Рецепт за манастирски колач

Предноста на овој рецепт е што не бара посебни намирници. Повеќето состојки веќе се наоѓаат во секоја кујна, па колачот можете да го подготвите и кога ви треба брза посна посластица.

Потребно е:

• 250 г пченично брашно;

• 150 г шеќер;

• 200 мл вода;

• 80 мл растително масло;

• 2 лажици какао во прав;

• 1 лажичка прашок за пеcиво;

• 1 лажичка ванилин шеќер, прстофат сол.

По желба, во тестото можете да додадете рака суво грозје, сецкани ореви, ситно сецкани јаболка или малку рендана кора од портокал за да колачот добие побогат вкус.

Подготовка:

Во поголем сад, измешајте вода, шеќер и растително масло. Додаjте какао, ванилин шеќер и прстофат сол и добро измешајте. Потоа постепено додавајте брашно измешано со прашок за печиво и мешајте додека не добиете мазно тесто без грутки. Смесата треба да биде средно густа, слична на густ павлака.

Истурете го тестото во калап со пречник од околу 22 сантиметри обложен со хартија за печење или благо намастен со масло. Печете околу 35 до 40 минути на 180 степени. Проверете со чепкалка или дрвено стапче дали колачот е печен. Како што знаете, ако чепкалката излезе сува, колачот е готов.

Уживајте!